کراچی کی خبریں 18/1/2017
Posted on January 18, 2017 By Mohammad Waseem سٹی نیوز, کراچی
Corruption
معاشرے میں استحصال ‘ ظلم‘جبر اورکرپشن بڑھتی جارہی ہے‘ جی کیو ایم
پاکستان کا استحصالی نظام مساوات کا معاشرہ قائم کرنے اور عوام کو انصاف کی فراہمی میں ناکام ہے
احتساب اور انصاف کا خوف مٹ چکا ہے اور طاقتور طبقات بھیڑیئے بن چکے ہیں ‘ گجراتی سرکار
کراچی (اسٹاف رپورٹر) گجراتی قومی موومنٹ کے سربراہ گجراتی سرکار نے ملک میں پائیدار امن کے قیام اور دہشتگردی سے نجات کیلئے دہشتگردی کے زیر التواءمقدمات کو فوری نمٹانے کی ضرورت پر زور دیتے ہوئے کہا ہے کہ مساوات و انصاف کا معاشرہ اور سزا کا خوف ہی جرائم کی بیخ کنی کا باعث ہوتا ہے مگر افسوس کہ پاکستان کا استحصالی نظام ملک میں مساوات کا معاشرہ قائم کرنے اور عوام کو انصاف کی فراہمی میں ناکام ہے اورانصاف کی عدم فراہمی مجرموں کے دلوں سے سزا کا خوف نکال چکی ہے جس کی وجہ سے سماجی مسائل و جرائم کیساتھ دہشتگردی میں بھی بدترین اضافہ ہوا ہے جبکہ طاقتور طبقات کی احتساب و سزا سے محفوظ رہنے کی روایت ان کی فطرت کو مجرمانہ ‘ منافقانہ ‘ مفاد پرستانہ اور حریصانہ جراثیم سے آلودہ کررہی ہے اور معاشرے میں اسحتصال ‘ ظلم و کرپشن بڑھتی ہی جارہی ہے اسلئے ضروری ہے کہ عدالتی نظام کی خامیوں کو دور کیا جائے ‘ پولیس نظام کی اصلاح کی جائے اور انصاف کا بول بالا کرتے ہوئے مساوات کا معاشرہ قائم کیا جائے اور دہشتگردی کے مقدمات کو فوری نمٹاتے ہوئے دہشتگردوں کو ان کے منطقی انجام تک پہنچایا جائے خواہ اس کیلئے عدالتوں کا اوقات کار بڑھاجائے ‘ خصوصی عدالتیں قائم کی جائیں یا فوجی عدالتیں بحال کی جائیں قانوان کی عملداری اور سزا کا خوف پیدا کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت پاکستان کی تباہی وبربادی کا خواب دیکھنا چھوڑدے ‘ ایم آر پی
بھارتی سازشیں کبھی کامیاب نہیں ہونگی ‘ اللہ پاکستان کا حامی اور افواج پاکستان اسکی محافظ ہیں
بھارت ہوش کے ناخن لے ‘افواج پاکستان ہر قسم کی سازش و جارحیت کا جواب دینا جانتی ہیں
کراچی (اسٹاف رپورٹر) محب وطن روشن پاکستان پارٹی کے قائد و چیئرمین امیر پٹی نے گزشتہ سال بھارتی جارحیت اور ایل او سی کی 376خلاف ورزیوں کے نتیجہ میں45پاکستانی شہریوں کی شہادت پر اظہار مذمت کرتے ہوئے کہا ہے کہ بھارت پاکستانی کی امن پرستی اور حکمرانوں کی خواہش دوستی کو پاکستان کی کمزوری اور حکمرانوں کی بھارت پرستی سمجھ رہا ہے مگر اسے یاد رکھنا چاہئے کہ افواج پاکستان نہ صرف محب وطن ‘ فرض شناس اور پیشہ ورانہ صلاحیت سے مالامال ہیں بلکہ ہمہ اقسام حربی صلاحیت کی حامل بھی ہیں اوران کی تاریخ قومی سلامتی ‘ تحفظ وطن اور خود مختاری کے حوالے سے کسی بھی سمجھوتے کے حوالے سے بے عبارت ہے اسلئے مودی حکومت ہوش کے ناخن لے اور سرجیکل اسٹرائیکس ڈراموں کی آڑ میں اپنی عوام کو بے وقوف بنانا چھوڑ دے بصورت دیگر افواج پاکستان نے ان سرجیکل اسٹرائیکس کا جواب دیا تو بھارت کو لگ پتا لگ جائیگا کہ سرجیکل اسٹرائیکس کیا ہوتی ہیں ۔ امیر پٹی نے مزید کہا کہ بھارت پاکستان کو عدم استحکام سے دوچار کرنے کا خواب دیکھنا چھوڑ دے کیونکہ پاکستان کا حقیقی محافظ اللہ ہے اور جو افواج پاکستان کے ذریعے اس کی حفاظت کرارہا ہے اسلئے بھارت خواہ کتنی ہی سازشیں کرلے ‘ غداروں کو خریدلے ‘ حکمرانوں کو مفادات ولالچ کے شیشے میں اتارلے پاکستان کو عدم استحکام سے دوچار نہیں کرسکے گا !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قومی مفادات کا تحفظ‘ محفوظ قومی مستقبل کا اولین تقاضہ ہے ‘ راجونی اتحاد
جمہوریت ‘ کرپشن ‘ جانبداری اور تعصب و لسانیت نے قوم کو مایوس کردیا ہے ‘ امیرعلی پٹی‘ اقبال ٹائیگر
قوم کی مایوسی کے خاتمے اور ملک وقوم کے تحفظ کیلئے ناگزیر اقدامات عدلیہ و فوج کی ذمہ داری ہیں
کراچی ( اسٹاف رپورٹر ) یہ حقیقت ہے کہ مسائل سے دوچار ‘ سرکاری افسران کی رشوت ستانی کا شکار اور حکمرانوں کی کرپشن و استحصالی نظام سے بیزار عوام کی نظریں داد رسی کیلئے یا تو فوج کی جانب اٹھتی ہیں یا پھر عدلیہ پر مرکوز ہوتی ہیں مگر عصر حاضر میں انہیں مایوس کن تاریکی ہی دکھائی دے رہی ہے اور محسوس ایسا ہورہا ہے کہ کوئی بھی ادارہ جانبداری ‘ کرپشن اور تعصب سے محفوظ نہیں رہا ہے ۔ پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے قومی صورتحال پر تبصرہ کرتے ہوئے کہا ہے کہ انصاف کی فراہمی ‘ مساوات کا قیام ‘ تعصب و لسانیت سے نجات اور جمہوریت کی بجائے قومی مفادات کا تحفظ محفوظ قومی مستقبل کا اولین تقاضہ ہے جس کے رو گردانی انحراف قومی مستقبل کیلئے خطرناک ہوگاجبکہ قوم کی مایوسی کے خاتمے کیلئے ناگزیر اقدامات فوج و عدلیہ کی ذمہ داری ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
واشنگٹن و ٹرمپ انتظامیہ سے رابطے بڑھانے کی ضرورت ہے ‘ سولنگی اتحاد
امریکہ دہشتگردی کیخلاف جنگ میں پاکستان کے کردار کو مشکوک نگاہوں سے دیکھ رہا ہے‘ امیر سولنگی
بھارت پاکستان کیخلاف سازشیںو پراپیگنڈہ کررہا ہے اور افغانستان کا کردار بھارتی آلہ کار کا ہے
کراچی ( اسٹاف رپورٹر )پاکستان ‘ افغانستان کو پر امن دیکھنا چاہتا ہے کیونکہ افغان بد امنی و لاقانونیت کے اثرات پاکستان اور خطے پر بھی نظر انداز ہورہے ہیں یہی وجہ ہے کہ پاکستان نے ہمیشہ افغانستان وکو تعاون و امداد پیش کی مگر افغانستان نے بوجوہ پاکستان کو ہمیشہ نظر انداز کرتے ہوئے بھارتی لابی میں بیٹھنا اور پاکستان کیخلاف بھارتی سازشوں کو عملی جامعہ پہنانے کیلئے اپنی سرزمین کو استعمال کرنے کا فیصلہ کیا ۔ پاکستان سولنگی اتحاد کے سینئر و بزرگ رہنما امیر سولنگی نے عالمی صورتحال اور قومی ضروریات کے حوالے سے ایک سیمینار سے خطاب کرتے ہوئے کہا کہ عالمی صورتحال اور دنیا میں تیزی سے ہونے والی تبدیلیاں اس بات کی متقاضی ہیں کہ دوستوں اور دشمنوں کی فہرست از سر نو ترتیب دی جائے اور واشنگٹن و ٹرمپ انتظامیہ سے بھی رابطے بڑھائے جائیں کیونکہ بھارت مسلسل پاکستان کیخلاف سازشیں اور گمراہ کن پراپیگنڈہ کررہا ہے اور افغانستان کا کردار بھارتی آلہ کار کا ہے جبکہ ان دونوں کی وجہ سے امریکہ دہشتگردی کیخلاف جنگ میں پاکستان کے کردار کو مشکوک نگاہوں سے دیکھ رہا ہے اسلئے امریکہ کے اس شک کے خاتمے کیلئے نیشنل ایکشن پلان پر اس کی روح کے مطابق عملدرمد اور اسے بلا تفریق و غیر جانبدارانہ بناتے ہوئے نتائج کا حصول لازم ہے !
خورشید گورنمنٹ گرلز ڈگری کالج شاہ فیصل کالونی میں محفل میلاد کی پر نور محفل کا اہتمام
ضلع کورنگی میں کوڑا کرکٹ کو آگ لگانے کی روک تھام کے لئے میونسپل قوانین کے تحت کاروائی کا اعلان