کراچی کی خبریں 26/1/2017
Posted on January 26, 2017 By Mohammad Waseem سٹی نیوز, کراچی
Corruption
حکمرانوں کی کرپشن سے جمہوری نظام پراگندہ ہوچکا ہے ‘ راجونی اتحاد
کرپشن ولوٹمار عام ہوچکی ہے اور عوام ملاوٹ شدہ و غیر معیاری اشیاءکے استعمال پر مجبور ہیں
حکمران عوام اور قومی مسائل نظر انداز کرکے کرپشن کی پردہ پوشی میں مصروف ہیں‘ اقبال ٹائیگر
کراچی (اسٹاف رپورٹر) پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے کہا ہے کہ حکمرانوں کے کرپشن کے ملوث ہونے کے حقائق منظر عام پر آنے کے بعد حکومتی حلقے جتنا چاہے ان حقائق کو مسخ کریں اورمیڈیا پر چیخ چیخ کر کرپشن سے انکار کرتے رہیں یہ حقیقت ہے کہ حکمرانوں کی کرپشن کے باعث نہ صرف جمہوری نظام پراگندہ ہوچکا ہے بلکہ ہر محکمہ کرپشن کی غلاظت میں لتھڑا دکھائی دے رہا ہے حتیٰ کہ منصفین پر بھی جانبداری ‘ انصاف کی عدم فراہمی اور کرپشن کے خاتمے میں عدم سنجیدگی کے الزامات لگ رہے ہیں جس کی وجہ سے ملک میں کرپشن عام ہوچکی ہے اور ہر سرکاری ادارہ اپنے فرائض کی انجام سے دہی سے محروم اور عوامی مسائل کے حل میں ناکام دکھائی دے رہا ہے اسپتال ‘ علاج و ادویات سے محروم ہیں تو ملاوٹ عام ہوچکی ہے ‘ حفظان صحت کے اصول فراموش کردیئے ہیں تو غیر معیاری اشیاءسمیت زائدالمعیاد ادویات کی فروخت عام ہوچکی ہے مگر حکومت و ادارے عوام کو مسائل و مصائب سے نجات دلانے ‘ کرپشن کا خاتمہ کرنے اور صحت و زندگی کیلئے خطرات کا باعث بننے والی ملاوٹ شدہ وغیر معیاری اشیاءو ادویہ کی فروخت رکوانے کی بجائے اپنی کرپشن کی پردہ پوشی کے ذریعے خود کو فرشتہ ثابت کرنے میںمصروف ہیں جس کی وجہ سے عوام کے مسائل و مصائب ہی میں اضافہ نہیں ہورہا ہے بلکہ ان کی صحت و زندگی اور مستقبل کیلئے خطرات بھی بڑھتے جارہے ہیں جبکہ اس حوالے سے فوج اور عدلیہ کا کردار بھی کسی طور مستحسن محسوس نہیں کیا جارہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لن ترانی وبد زبانی کی سیاست بدترین خطرات پیدا کررہی ہے ‘ ایم آر پی
حکمران طبقہ اور سیاستدانوں کی لفظی جنگ قوم کے گفتار و کردار پر منفی اثرات ڈال رہی ہے ‘ امیرپٹی
پانامہ لیکس پرعدلیہ کا کردار روایتی رہا تو پاکستان1971ءجیسے مزید کسی سانحہ سے دوچار ہوسکتا ہے
کراچی (اسٹاف رپورٹر) ملک میں جاری لن ترانی ‘ نوحہ خوانی اور بد زبانی کی دھمکی آمیز سیاست کو جمہوریت ‘ پاکستان اور عوام کے مستقبل کیلئے بڑے خطرے کی علامت قرار دیتے ہوئے محب وطن روشن پاکستان پارٹی کے قائد و چیئرمین امیر پٹی نے کہا ہے کہ پانامہ لیکس نے نہ صرف ملک و قوم کو لوٹنے والے لٹیروں کو بے نقاب کیا بلکہ عوام پر ان فرشتوں کا اصلی چہرہ و کردار بھی آشکارہ کیا جنہیں اب تک عوام فرشتہ اور نجات دہندہ سمجھتے آئے جبکہ پانامہ لیکس کے بعد وزیراعظم کا دفاع کرنے کے نام پرپانامہ لیکس میں انصاف کی جنگ لڑنے والوں کیخلاف حکومتی وزراءاور مقتدر سیاسی جماعت کے عہدیداران جس قسم کی دھمکی آمیز و غلیظ زبان استعمال کررہے ہیں اور اس کے جواب میں دوسری جانب سے جو زبان استعمال کی جارہی ہے وہ پوری قوم کی گفتار وکردار پر اثر انداز ہورہی ہے جو نہ صرف ملک و قوم کے مستقبل کیلئے بڑا خطرہ ہے بلکہ جمہوریت کی جو شکل حکمرانوں کے اعمال ‘ افعا ل اور کردار کی صورت عوام کے سامنے آرہی ہے وہ بذات خود عوام کو جمہوریت سے متنفر کرنے کا سبب بن رہی ہے اور اگر عدلیہ نے پانامہ لیکس پر حقیقی انصاف کی بجائے روایتی کردار ادا کیا تو پاکستان نہ صرف خانہ جنگی بلکہ خدا نخواستہ 1971ءجیسے کسی سانحہ سے بھی دوچار ہوسکتا ہے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ابابیل کا کامیاب تجربہ جارحانہ بھارتی عزائم پر قفل ہے ‘ جی کیو ایم
ابابیل میزائل کا کامیاب تجربہ بھارت کیلئے پیغام ہے کہ اسکا آخری کونہ تک ہماری رینج میں ہے
ابابیل میزائل کے کامیاب تجربہ پر گجراتی قومی موومنٹ کافوج کو خراج تحسین اور قوم کو مبارکباد
کراچی ( اسٹاف رپورٹر ) پاکستانی قوم کو ابابیل میزائل کے کامیاب تجربہ پر مبارکباد او دفاع کو مستحکم ترین بنانے کی کوششوں پر فوج و سائنسدانوں کا شکریہ ادا کرتے ہوئے گجراتی قومی موومنٹ کے قائد و چیئرمین امیر سولنگی عرف پٹی والا المعروف سورٹھ ویر نے کہا ہے کہ ابابیل میزائل کے کامیاب تجربہ نے پاکستان کو ایک ہی میزائل سے بیک وقت کئی ایٹم بم داغ کر دشمن سے ایک سے زائد اہداف کو تباہ کرنے کی صلاحیت و استعداد کے حامل امریکہ، روس، چین اور فرانس جیسے چند ممالک کے کلب میں شامل کردیا ہے جبکہ روس کے اشتراک سے میزائل شکن نظام ”باراک “کی بھارتی تیاریوں اور” پرتھوی“ و ایڈوانس ایئر ڈیفنس ”ایشون “ نامی میزائلوں کے جواب میں آبدوز سے میزائل داغنے کے کامیاب تجربہ کے بعد اب ابابیل میزائل کے کامیاب تجربہ کے ذریعے افواج پاکستان نے بھارت کے جارحانہ عزائم پر قفل ہی نہیں لگایا ہے بلکہ اسے بتادیا ہے کہ بھارت کو کسی بھی ممکنہ جارحیت کے ارتکاب سے قبل ہمیشہ یہ یاد رکھنا ہوگا کہ دشمن ملک کا آخری کونہ تک پاکستان کے چھوٹے ایٹمی ہتھیاروں کی رینج میں ہے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قوم انقلاب و تبدیلی کیلئے یکجا ‘ متحد اور فعال ہوچکی ہے ‘ سولنگی اتحاد
آئندہ قومی انتخابات میں سولنگی قوم کا ہر ووٹ استحصالیوں کیخلاف اور اپنی برادری کیلئے ہوگا
بھونگ میں سولنگی برادری کے ملک گیر کنونشن کے ٹھاٹھیں مارتے سمندر سے امیرسولنگی کا خطاب
کراچی ( اسٹاف رپورٹر ) سولنگی برادری پاکستان کے چاروں صوبوں سمیت کشمیر اور گلگت و بلتستان میں اکثریت کی حامل سب سے بڑی برادری ہے اگر سولنگی قوم متحد و یکجا ہوجائے تو ملک میں انقلاب لاسکتی ہے ۔ پاکستان سولنگی اتحاد کے بھونگ شریف (صادق آباد ) میں ہونے والے ملک گیر کنونشن سے خطاب کرتے ہوئے سینئر سولنگی رہنما و چیئرمین محب وطن روشن پاکستان پارٹی امیر علی سولنگی عرف پٹی والا نے کہا کہ سولنگی قوم کی اکثریتی طاقت کو استحصالی قیادتوں اور روایتی سیاسی جماعتوں نے ہمیشہ اپنے مفادات کیلئے استعمال کرتے ہوئے سولنگی قوم کو اقتدار کی سیڑھی تو بنایا ہے مگراقتدار پانے کے بعد ہمیشہ اس قوم کو نظر انداز کرنے کیساتھ اسے اس کے آئینی ‘ سیاسی ‘ سماجی ‘ معاشی اور معاشرتی حقوق سے محروم رکھا گیا ہے جس کے ذمہ دار اس قوم کے وہ رہبر و رہنما ہیں جو ذاتی مفادات کیلئے قوم کے اجتماعی مفادات پر سودے بازی کرتے رہے اور نہ تو کبھی خود متحدہوئے اور نہ ہی قوم کو یکجا ہونے دیا مگر آج کے کنونشن میں سولنگی قوم کا ٹھاٹھیں مارتا سمندر اس بات کی گواہی دے رہا ہے کہ سولنگی قوم جاگ چکی ہے اور اگر مفاد پرست قائدین نے اپنا قبلہ درست کرتے ہوئے یکجا و متحد ہوکر خلوص نیت و صداقت سے قوم کی رہنمائی و رہبری کا فریضہ نہ نبھایا تو قوم ان کیساتھ بھی وہی سلوک کرے گی جو آئندہ انتخابات میں استحصالی قیادتوں اور روایتی سیاسی جماعتوں کیساتھ ہونے والا ہے قوم ہر منافق ‘ مفاد پرست اور ابن الوقت قوت و فرد کو مسترد کرنے اور اپنی برادری کے تعلیم یافتہ ‘ دیانتدار ‘ مخلص اور عوام دوست نمائندوں کو اپنے ووٹ کی طاقت سے اسمبلیوں میں بھیجنے اور اقتدار و اختیار میں شامل ہونے کا فیصلہ کرچکی ہے کیونکہ یہی وہ لازمی عمل ہے جو سولنگی قوم کے مسائل سے پاک ‘ محفوظ ‘ خوشحال اور ترقی یافتہ مستقبل کی ضمانت فراہم کرتا ہے۔
جامعہ بنوریہ عالمیہ سائٹ ٹاون کے ششماہی امتحانات کا آغاز ہو گیا
فاٹا کو صوبے میں ضم کرنے کے خلاف جمیعت العلماء اسلام کا غلنئی میں باجوڑ پشاور شاہراہ پر ریلی
