فیصل آباد (سٹی رپورٹر) چیئرمین سٹی کونسل 150اور سابق نائب ناظم جناح ٹائون ذوالفقار احمد شیخ نے سانحہ ماڈل ٹائون سے شریف برادران سمیت تمام حکومتی عہدیداران کی بریت کو حق و سچ کی عظیم فتح قراردیتے ہوئے کہا ہے کہ خصوصی عدالت کے فیصلے سے ہمارے اس موقف کو تقویت ملی ہے جس میں یہ باربار کہا جارہاتھا کہ سانحہ ماڈل ٹائون حکومتی احکامات پر وقوع پذیر نہیںہوا بلکہ یہ پولیس اور منہاج القرآن کے کارکنوں میں ہونیوالے تصادم کے نتیجے میں پیش آیا تھا باوردی ملازمین صرف سڑک پر سے رکاوٹیں ہٹانے کیلئے گئے تھے مگر ان پر چند مسلح افراد کے جتھے نے حملہ کیا تو تصادم ہوگیا ،انسداد دہشت گردی کی خصوصی عدالت نے تمام تر زمینی حقائق کو مدنظر رکھتے ہوئے یہ بڑا فیصلہ سنایا ہے جو کہ قابل تعریف ہے ،انہوںنے کہاکہ وزیر اعظم میاںنوازشریف اور وزیر اعلیٰ شہبازشریف کو ایک سازش کے تحت اس سانحہ میں ملوث کیا جارہاتھا مگرانسداد دہشتگردی کی خصوصی عدالت نے تمام شواہد کا جائزہ لینے کے بعد شریف برادران ،حکومتی وزراء اوردیگر عہدیداران کو کلین چٹ دیکر سازشیں کرنیوالوں کا منہ بند کردیا ہے ،اب عدالت نے پولیس اور انتظامیہ کے افسران کو طلب کیا ہے جن کے بیانات لینے کے بعد خصوصی عدالت اپنا فیصلہ سنائے گی ،جو لوگ سانحہ ماڈل ٹائون کے فیصلے میں اپنی خواہشات کی تکمیل چاہتے تھے آج انہیں ماسوائے شرمندگی کے اور کچھ حاصل نہیںہوا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فیصل آباد ( سٹی رپورٹر) مسلم لیگ ن کارپوریشن کے جنرل سیکرٹری شاہد محمود بیگ اورجوائنٹ سیکرٹری محمد علی بخاری نے سانحہ ماڈل ٹائون سے شریف فیملی اور لیگی وزراء کا سرخرو ہونا اس بات کا ثبوت ہے کہ حکومت پنجاب کسی طرح بھی غیر قانونی یا غیر آئینی اقدامات میں ملوث نہیں ،الزامات لگانے والوں کو ایک مرتبہ پھر شرمندگی اٹھانا پڑی ہے ،ہم شروع دن سے یہ کہہ رہے ہیں کہ سانحہ ماڈل ٹائون میںحکومت کا کوئی کردار نہیں تھا ،سابقہ کمیشن نے بھی حکومت کو اس میں براہ راست ملوث قرار نہیں دیا تھا تاہم عوامی تحریک اور منہاج القرآن والوں کی ضد تھی کہ وزیر اعظم ،وزیر اعلیٰ ،حمزہ شہباز سمیت اہم حکومتی وزراء کی نامزد کیا جائے جس پر کیس انسداد دہشتگردی کی خصوصی عدالت میں گیا جس کے جج نے میاں نوازشریف ،شہباز شریف ،حمزہ شہباز ،چوہدری نثار اور سعد رفیق سمیت تمام نامزد حکومتی عہدیداران کو اس معاملے سے بری الزمہ قرار دیدیا جوکہ حق و سچ کی بہت بڑی فتح ہے ،انہوںنے کہا کہ میاں شہبازشریف کے ترقیاتی ویژن کو دیکھ کر مخالفین کے ہاتھ پائوں پھولے ہوئے ہیں اسی لئے وہ کچھ اور تو کر نہیں سکتے اسی لئے صرف الزامات کوئی ایجنٹ لگائے یا کینڈین مولوی تمام ترجھوٹ کا پلند ہ ہیں اور ان لوگوں کو یاد رکھنا چاہے کہ حق او رسچ کو کسی صورت مٹایا نہیں جاسکتا اور جھوٹ پر جھوٹ بھول کر کبھی جھوٹ کو جتوایا نہیں جاسکتا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فیصل آباد ( سٹی رپورٹر ) پاکستان پیپلز پارٹی پی پی 71کے ٹکٹ ہولڈر چوہدری عدیل تاج نے کہا ہے کہ دو تین روز گزر جانے کے باوجود شوکت بسرا پرحملہ اور ان کے سیکرٹری کو قتل کرنیوالے ملزمان کا نہ پکڑا جانا پنجاب حکومت کی بدترین گورننس کا منہ بولتا ثبوت ہے ،پولیس اور انتظامیہ کی آشیر باد کیساتھ قتل کر کے فرار ہونیوالے ٹولے کو کسی غیر نے نہیں بلکہ حکومتی گماشتوں نے ہی پناہ دے رکھی ہے ،واقعہ کے 48گھنٹے بعد شہبازشریف کا واقعہ کا نوٹس لینا بھی حیران کن ہے ،لگتا ہے یہ سب کام ایک سوچ اور سازش کے تحت کیا گیا ہے اور قاتلوں کو فرار ہونے میں بھرپور مدد فراہم کی گئی ہے تاہم پیپلز پارٹی اپنے قائدین پر ہونے والے حملوں پر خاموش نہیں بیٹھے گی بلکہ دہشتگردوں کو انصاف کے کٹہرے میں لاکھڑا کردے گی اور اگر ہمیں انصاف نہ ملاتو پھر ہم سڑکوں پر ہوں گے اور اس وقت تک اپنے گھروں کو واپس نہیں جائیں گے جب تک ان دہشتگردوں کو ” سولی ” پرنہیں لٹکا دیا جاتا ،عدیل تاج نے مزید کہا کہ پیپلز پارٹی نے ہمیشہ عدم تشدد کی سیاست کی ہے اور ہمیشہ مفاہمت کو فروغ دیا تاہم اگر کوئی ہماری جانب اینٹ پھینکے گا تو ہم خاموش رہنے کی بجائے پتھر سے بھر پور جواب دیں گے ،ہمارا مطالبہ ہے کہ شوکت بسر ا پر حملہ کرنیوالے دہشتگردوں کو پکڑ کر نشان عبرت بنایا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فیصل آباد(سٹی رپورٹر) انجمن تاجران فیصل آباد ( فیڈریشن ) کے صدر رانا تجمل وحید ،جنرل سیکرٹری شاہداحمد وہرہ ،سینئرنائب صدر محمد اشرف چوہدری ودیگر عہدیداران میاں ریاض جاوید ،چوہدری اکرم ،حاجی ظہیر الدین ،میاں سہیل رفیع ،چوہدری عبدالغفور ،حاجی اعجاز حسن اور چوہدری اقبال وزیر نے کہا کہ قبضہ گروپ کیخلاف سٹی میئر محمد رزاق ملک کے عزائم بلاشبہ خوش آئند ہیں مگر افسوس کا مقام یہ ہے کہ آج تک کسی بھی سٹی حکومت یا انتظامیہ نے اس مافیا کیخلاف ایکشن نہیں لیا جس کی وجہ سے اس مافیا نے جگہ جگہ انڈے دئے جن میں سے نکلنے والے بچوں نے جگہ جگہ اپنے پنجے گاڑ دئیے ،پہلے یہ مافیا گردونواح میں خالی جگہات پر قبضہ کرتا تھا پھر اس کے پر پرزے ایسے نکلے کہ اس نے شہر کے اندر قیمتی دوکانوں پر بھی قبضہ کرنا شروع کردیا ،انہوںنے کہا کہ سٹی ایریا میں کم و بیش 18ارب روپے کی دوکانوں پر اس ناجائز مافیا نے قبضہ کررکھا ہے اگر یہ سب دوکانیں و اگزار کروا کر نیلام کردی جائیں اور اس کے نتیجہ میں ملنے والا ریونیو سرکاری ہسپتالوں اورسکولوں کی بہتری کیلئے خرچ کیاجائے تو مریضوں اور طلباء طالبات کو شاندار سہولیات میسر آسکتی ہیں مگر دیکھنا تو یہ ہے کہ سٹی میئر اپنے دعوے پر کب اور کس طرح عمل کرتے ہیں تاہم اس نیک کام میں دیر کرنا 40لاکھ کی آبادی والے شہر کے باسیوں سے زیادتی ہوگی قبضہ مافیا کیخلاف جس بھی سطح پرکام شروع کیا جائے گا فیصل آباد کی وہ تمام تاجر برادری جو خود اس مافیا کا حصہ نہیں ہوگی سٹی میئر کا بھرپور ساتھ دے گی کیونکہ یہ ہمارے پیارے شہر کی فلاح و بہبود کا معاملہ ہے
پیرمحل کی خبریں 8/2/2017
مصطفی آباد/للیانی کی خبریں 9/2/2017
