پاکپتن (ڈسٹرکٹ رپورٹر) چیف ایڈیٹر اوصاف مہتاب خان عباسی کی والدہ ،ایڈیٹر محسن بلال خان کی دادی کے انتقال پر ڈسٹر کٹ پریس کلب پاکپتن کے صدر حسن عباس بخاری کی صدارت میں تعزیتی اجلاس منعقد ہوا۔اجلاس میںچیئر مین بلدیہ چوہدری مظفر اقبال، مفتی محمد زاہد اسدی،ڈسٹر کٹ پریس کلب کے چیئر مین پیر امداد حسین، سرپرست اعلیٰ حاجی محمد وسیم، پیر اشرف،حکیم لطف اللہ،مختا احمد،یاسر خاں،رائے محمد اشرف، رانا محمد شفیق،اے ڈی شاہد، عارف ممتاز بودلہ، رانا جواد مسعود،سید عرب شاہ ،قیصر اشتیاق جگنو،منیر احمد رضا، طارق مغل،ڈاکٹر شاہد مرتضی چشتی، انصاف لائرز ونگ کے ضلعی صدر میاں محمد احمد وٹو ایڈووکیٹ، محمد اسلام، عمر خان،سید نسیم عسکری،شاہ میر خان کانجو، رائو عمر فاروق سمیت شہریوں اور صحافیوں نے بڑی تعداد میں شرکت کی۔ ممتاز عالم دین مفتی محمد زاہد اسدی نے ماں کی شان فضیلت بیان کی اور مرحومہ کی روح کے ایصال ثواب کیلئے فاتح خوانی کروائی۔سید حسن عباس بخاری نے کہا کہ ہم جناب مہتاب عباسی اور محسن بلال خان کے غم میں برابر کے شریک ہے ،اللہ سے مرحومہ کے درجات کی بلندی کیلئے دعا گو ہیں۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پاکپتن(ڈسٹر کٹ رپورٹر )گورنمنٹ فریدیہ پوسٹ گریجوایٹ کالج کے پروفیسر محسن رضا جوئیہ کی والدہ محترمہ مختصر علالت کے بعد انتقال کرگئیں جن کی نماز جنازہ محلہ فرید نگر میں مسجد تحصیلدار میں ادا کی گئی ۔نماز جنازہ میں مفتی محمد زاہد اسدی،حکیم لطف اللہ،حاجی محمد وسیم ،عبدالقیوم نعیمی،پرنسپل گورنمنٹ فریدیہ کالج رانا طارق عزیز،پروفیسر سید جواد رضا بخاری سمیت پروفیسرز ،سماجی شخصیا ت اور شہریوں نے بڑی تعداد میں شرکت کی۔مرحومہ کو ان کے آبائی قبرستان میں سپرد خاک کردیا گیاہے۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پاکپتن(ڈسٹر کٹ رپورٹر )پاکستان تحریک انصاف کے یوسی چیئر مین شفقت یٰسین موہل نے کہا ہے کہ حکمرانوں کی کرپشن نے ملک میں تباہی مچار کھی ہے، پانامہ لیکس حکمرانوںکی کرپشن کا منہ بولتا ثبوت ہے ،ٹوٹی پھوٹی سڑکیں حکمرانوں کی کارکردگی کا منہ بولتا ثبوت ہیں، کرپشن ہماری جڑوں کو کھوکھلا کررہی ہے۔انہوں نے کہا کہ پاکستان کا روشن مستقبل پڑھی نوجوان نسل ہاتھوں میں ڈگریاں اٹھائے نوکریوں کی تلاش میں دھکے کھاتے پھر رہے ہیں۔انہوں نے کہا ہے کہ پانامہ لیکس ختم ہو چکا ہے ،کرپٹ حکمرانوں کے پاس سوائے جھوٹ کے اور کچھ نہیں ہے۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پاکپتن(ڈسٹر کٹ رپورٹر )مسلم لیگ (ن) خواتین ونگ کی ضلعی صدر موتیا مسعود خالد نے کہا ہے کہ پاکستان کو مسائل کے گرداب سے نکال کرترقی کی شاہراہ پر گامزن کرنے کی مخلصانہ کاوشیں رنگ لارہی ہیں۔انہوں نے کہا کہ عمران خان کو ملکی ترقی پسند نہیں ہے ، عمران خان کو صرف اورصرف الزام لگانے آتے ہیں ،تحریک انصاف چوں چوں کا مربہ ہے مسلم لیگ (ن) کا مقصد خوشحال اور پرامن پاکستان ہے، اور اس مقصد کے حصول کیلئے مسلم لیگ (ن) کی حکومت نے وزیراعظم نوازشریف کی قیادت میں دن رات محنت کرر ہے ہیں،پاکستان مسلم لیگ(ن) نے حکومت کے دوران عوام کی بے لوث خدمت کی ہے۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پاکپتن(ڈسٹر کٹ رپورٹر )خطرناک ٹریفک حادثات سے بچنے کے لیے تمام موٹر سائیکل سوار ہیلمٹ کے استعمال کو یقینی بنانے کے ساتھ ساتھ اپنے موٹرسائیکل کے دونوں اطراف شیشے بھی لگوائیں ماہ جنوری میں ٹریفک قوانین کی خلاف ورزی پر 484گاڑیاں بند کیں 4893گاڑیوں کا چالان کر کے 14 لاکھ 64 ہزار 50 روپے جرمانہ جبکہ 88 ڈرائیورز کو گرفتار کیا گیا ۔ان خیالات کا اظہار انسپکٹر ٹریفک رانا رستم نے میڈیا سے گفتگو کے دوران کیا۔ انہوں نے کہا کہ DPO پاکپتن کامران یوسف ملک کی خصوصی ہدایات پر ٹریفک قوانین کی خلاف ورزی کر نے پر ماہ جنوری میں 484 گاڑیاں بند کیں 4893 گاڑیوں 291 بس 335 ویگن 109 رکشہ46 ٹیکسی کار 56 فلائنگ کوچ234 ٹرک ٹریلر111 ٹریکٹر ٹرالی124 پک اپ3517 موٹر سائیکل 70 کار و جیپ کا چالا ن کر کے 14 لاکھ64 ہزار 50 روپے جرمانہ جبکہ 88 ڈرائیور ز کو گرفتار کیا گیا۔۔۔۔۔
متحدہ طلباء محاذ کا طلبا یونین بحالی کے لئے ملک گیر تحریک چلانے کا اعلان
فائونڈیشن فار ریسرچ اینڈ ہیومن ڈیولپمنٹ اور ڈیو کون کے زیراہتمام اسٹریٹ چلڈرن کے مسائل اور حقوق اطفال پر سیمینار
