کراچی کی خبریں 13/2/2017
Posted on February 13, 2017 By Mohammad Waseem سٹی نیوز, کراچی
Karachi
یوم یکجہتی کشمیر باسکٹ بال ٹورنامنٹ میں مزید 2میچوں کے فیصلے ہوگئے
ون یونٹ نے کراچی کولٹس اور آرام باغ کلب نے کلفٹن کلب کو شکست دیدی
کراچی : کراچی باسکٹ بال ایسوسی ایشن کے زیر اہتمام آرام باغ باسکٹ بال کورٹ پر جاری “یوم یکجہتی کشمیر باسکٹ بال ٹورنامنٹ “میں مزید 2میچوں کے فیصلے ہوگئے ۔کھیلے گئے پہلے میچ میں ون یونٹ کلب نے کراچی کولٹس باسکٹ بال کلب کو سنسنی خیز مقابلے کے بعد اضافی وقت میں 42-41سے شکست دیدی،ون یونٹ کی جانب سے حسن علی 10،دانش حسین 10اور شیری نے 5پوائنٹس اسکور کئے جبکہ کراچی کولٹس کی جانب سے سفیر حسین 20،مجتبیٰ خان اور محمد زین نے 5،5پوائنٹس اسکور کئے ۔ٹورنامنٹ میں کھیلے گئے دوسرے میچ میں آرام باغ باسکٹ بال کلب نے کلفٹن باسکٹ بال کلب کو 50-25سے زیر کردیا ،آرام باغ کی جانب سے زین العابدین نے12،فہد خان نے 12اور کاظم علی نے11پوائنٹس اسکور کئے جبکہ کلفٹن کلب کی جانب سے اوصاف خان 18پوائنٹس اسکور کرکے نمایاں کھلاڑی رہے ۔کھیلے گئے میچوں میں ریفریز کے فرائض ممتاز احمد ،عامر غیاث ،ظفر اقبال اور نذاکت علی نے انجام دیئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹرمپ اقدامات ‘ امریکی عوام کو دنیا میں تنہا کررہے ہیں ‘ ایم آر پی
ٹرمپ کا قبلہ درست نہ ہوا تو امریکہ بہت جلد روس جیسی شکست و ریخت سے دوچار ہوجائیگا
ٹرمپ اقدامات یونائیٹڈ اسٹیٹس آف امریکہ کے اتحاد میں دراڑیں ڈال رہے ہیں ‘امیرپٹی
کراچی ( اسٹاف رپورٹر ) محب وطن روشن پاکستان پارٹی کے قائد و چیئرمین امیر پٹی نے امریکی صدر ٹرمپ کے اقدامات کو دنیا کے محفوظ مستقبل کی ابتدائی علامات قرار دیتے ہوئے کہا ہے کہ یونائیٹڈ اسٹیٹس کا اتحاد اور یکجائیت ہی امریکہ کو دنیا کا سب سے طاقتور ملک بناتی جس کے باعث اسے نہ صرف سپر پاور اوراقوام متحدہ میں ویٹو پاور کا اختیار حاصل ہے بلکہ اپنی اسی طاقت کے سہارے وہ دیگر ممالک کو خوفزدہ کرکے اپنے ساتھ ملاتا اور کسی بھی ملک کیخلاف کاروائی اختیار پاتا ہے مگر امریکی صدر ٹرمپ کے اسلام دشمن جذبات اور صیہونی و اسرائیلی اشارے پر مسلمانوں کیخلاف اقدامات امریکہ کو اس طاقت سے محروم کررہا ہے اور نہ صرف امریکہ وپوری دنیا میں ٹرمپ کیخلاف نفرت میں اضافہ ہورہا ہے بلکہ ٹرمپ اقدامات امریکی ریاستوں کے مابین بھی وہ اختلافات پیدا کررہے ہیں جن کے باعث ایسا محسوس ہورہا ہے کہ امریکہ بہت جلد یونائیٹڈ اسٹیٹس کا اپنا ٹائٹل کھونے والا ہے اور وہ بھی انہی حالات و واقعات اور نتائج سے دوچار ہونے والا ہے جن کی تکلیف و اذیت روس سہہ چکا ہے کیونکہ روس سے بہتر یہ بات کوئی نہیں جانتا کہ مسلمانوں کیخلاف اقدامات کی نتائج نے اسے کن نتائج سے دوچار کیا ہے اور دنیا کی سب سے بڑی سپر پاور کس قدر چھوٹی چھوٹی ریاستوں میں بٹ کر شکست و ریخت سے دوچار ہوچکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اقوام متحدہ اسلحہ ساز سامراجی ممالک کی لونڈی بن چکی ہے ‘جی کیو ایم
اقوام متحدہ کی مسئلہ کشمیرو مسئلہ فلسطین کے حل سے گریز کی پالیسی امن عالم کیلئے خطرناک ہے
اسرائیل ‘ امریکہ اور بھارت دنیا پر تیسری عالمی و ایٹمی جنگ مسلط کرنے کی سازش کررہے ہیں
کراچی( اسٹاف رپورٹر ) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کشمیر میں جاری بھارتی اور فلسطین میں جاری اسرائیلی مظالم کی مذمت کرتے ہوئے کہا ہے کہ بھارت اور اسرائیل دنیا پر تیسری عالمی جنگ مسلط کرنے کی سازش کررہے ہیں اور اگر اقوام متحدہ اور اس کے نو منتخب جنرل سیکریٹری نے بھارت اور اسرائیل کی سازشوں کا نوٹس لیتے ہوئے مسئلہ کشمیر ومسئلہ فلسطین کے حل کیلئے سنجیدہ ‘ مثبت اور غیر جانبدارانہ کردار ادا کرنے سے گریز و تاخیر کی پالیسی کا تسلسل جاری رکھا تو پھر دنیا کے امن کو پہنچنے والے نقصان اور تیسری عالمی جنگ سے ہونے والی تباہی کی ذمہ دار اقوام متحدہ اور اس کے نو منتخب جنرل سیکریٹری ہوں گے ۔ گجراتی سرکار نے مزید کہا کہ اقوام متحدہ کا جانبدارانہ او ر منافقانہ کردار نہ صرف دنیا میں قتل انسانی کے فروغ ‘ بد امنی ‘ بڑھتی دہشتگردی ‘ استحصال اور مظالم کا باعث ہے بلکہ اس بات کو بھی ثابت کررہا ہے کہ اقوام متحدہ اسلحہ ساز سامراجی ممالک کی لونڈی بن چکا ہے اور اگر ایسا نہیں ہے تو پھر اس عالمی تاثر کی نفی اقوام متحدہ کے نو منتخب جنرل سیکریٹری کی اولین ذمہ داری و فریضہ ہے جس کیلئے انہیں اقوام متحدہ کی قراردادوں کے مطابق کشمیر میں غیر جانبدارانہ استصواب رائے یقینی بنانے کیساتھ جونا گڑھ کا پاکستان سے الحاق بھی یقینی بنانا ہوگا اور فلسطین کو اسرائیلی مظالم و دست وبرد سے محفوظ بناتے ہوئے اس کی آذاد مسلم ریاست کی حیثیت کو بھی مسلم بنا نا ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت امن عالم کو جنگ کے جہنم میں جھونکنا چاہتا ہے ‘ راجونی اتحاد
بھارتی جنگی تیاریاں ‘ پاکستانی دفاعی بجٹ میں اضافے کی متقاضی ہیں‘ عمران چنگیزی ‘ یونس سایانی
بھارتی دفاعی منصوبے و سمجھوتے پاکستان کے محفوظ مستقبل کیلئے خطرات کا اشارہ ہیں‘اقبال ٹائیگر
کراچی ( اسٹاف رپورٹر ) پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی ودیگر نے بھارتی دفاعی بجٹ میں اضافے پر تشویش کا اظہار کرتے ہوئے کہا ہے کہ پاکستان کی سلامتی کیخلاف اپنے عزائم کی بنیاد پر بھارت کی جانب سے دفاعی بجٹ میں دس فیصد اضافہ اور مختلف ممالک سے سامان حرب کی خریداری کیساتھ دفاعی منصوبے و سمجھوتے یقینا پاکستان کے محفوظ مستقبل کیلئے خطرات کا اشارہ ہی نہیں بلکہ اس بات کا ثبوت بھی ہے کہ بھارت عملاً پاکستان پر جنگ مسلط کرنے اور دنیا کے امن کو جنگ کے جہنم میں بھسم کرنے کی تیاریاں کررہا ہے اس صورتحال میں ضروری ہے کہ سیاسی ‘ مذہبی اور قومی قیادتیں خود متحد ہوکر منتشر قوم کو یکجا کرنے کا فریضہ ادا کریں اور مقتدر طبقات فوج کیخلاف سازشیں چھوڑ کر دفاعی بجٹ میں ناگزیر و ضروری اضافے کیلئے مثبت اقدامات کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
افغانستان بھی بھارت کی طرح پاکستان دشمنی پر اترا ہو اہے ‘سولنگی اتحاد
”را “ اور ”این ڈی ایس “پاکستان کو عدم استحکام سے دوچار کرنے کے نکتہ پر متفق ہیں ‘ امیر سولنگی
بھارتی و افغان ایجنسیوں کا پاکستان مخالف گٹھ جوڑ فکر انگیز ہے ‘ ملک عمر نذیر سولنگی ‘ گل شیر سولنگی
کراچی ( اسٹاف رپورٹر ) کراچی ( اسٹاف رپورٹر ) پاکستان کیخلاف افغان سرزمین کا استعمال اور افغانستان کے راستے بھارتی دہشتگردوں کی پاکستان میں تخریب کاری ایک ایسی حقیقت ہے جس سے دل نہ چاہنے کے باجود بھی انکار ممکن نہیں ہے جبکہ اس بات میں بھی کوئی شک نہیں ہے کہ بھارتی خفیہ ایجنسی ” را “ اور افغان ایجنسی ”این ڈی ایس “پاکستان کو عدم استحکام سے دوچار کرنے کے نکتہ پر متفق ہوکر پاکستان کیخلاف یکجا ہوچکی ہیں اور پاکستان مخالف کاروائیوں میں مصروف ہیں ۔ پاکستان سولنگی اتحادکے بزرگ رہنما امیر علی سولنگی ‘ ملک عمر نذیر سولنگی ‘معین سولنگی ‘ غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی و دیگر نے دفتر خارجہ پاکستان کی جانب سے بھارتی و افغان ایجنسیوں کی پاکستان مخالف گٹھ جوڑ کے اعتراف و نشاندہی کو راست و حقیقت پسندانہ اقدام قرار دیتے ہوئے کہا کہ بھارت و افغانستان ‘ پاکستان مخالف گٹھ جوڑ صرف پاکستان کیلئے ہی نہیں دنیا کے امن و مستقبل کیلئے بھی خطرہ ہے جس پر امن پرست اقوام عالم کو توجہ دینے اور بھارت کو نکیل ڈالنے کی ضرورت ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مغربی بے حیائی نے نوجوانوں کو تباہ کردیا ، راجہ عبد الرازق
اساتذہ اور والدین کا فرض ہے کہ وہ اپنے بچوں کو ایسی خرافات سے دور رکھیں، عافیت صدیقی ، اشتیاق
ویلنٹائن ڈے کا مکمل بائیکاٹ کرتے ہیں MSO آج کے دن کو یومِ حیا کے طور پرمنائے گی ، محمد عادل
کراچی ( ) ملک و ملت کے کام آنے والے نوجوانوں میں بے حیائی کو پھیلاکر مغرب کا آلۂ کار بنایا جا رہا ہے ، مغربی ایجنڈوں پر کاربند ٹولے نے مستقبل کے معماروں کو تباہی کے راستے پر ڈال دیا ہے ، ویلنٹائن ڈے اور اس جیسی دوسری خرافات سے غیر اسلامی روایات فروغ پا رہی ہیں ۔ ہم ویلنٹائن ڈے کا مکمل بائیکاٹ کرتے ہیں ،MSO آج 14 فروری کے دن کو یوم حیا کے طور پر منائے گی ۔ان خیالات کا اظہار مسلم اسٹوڈنٹس آرگنائزیشن کراچی ڈویژن کے ناظم راجہ عبدالرازق ، معاون ناظم عافیت صدیقی ، ناظم مالیات ملک اشتیاق ، ناظم نشرواشاعت محمد عادل ، سینٹرل زون کے ناظم ضرار رحمانی نے سینٹرل زون کے تحت گلشن اقبال میں منعقد ” حیاء کنونشن ” میں کارکنان سے خطاب کرتے ہوئے کیا انہوں نے کہا کہ ویلنٹائن ڈے اور اس جیسی دوسری تمام خرافات سے اساتذہ اپنے طلبہ اور والدین اپنے بچوں کو دور رکھیں ۔ انہوں نے کہا کہ ایسے میں جب ہر طرف بے حیائی کے بادل منڈلا رہے ہوں میڈیا سے وابسطہ تمام اداروں کا فرض بنتا ہے کہ وہ ایسے تمام ایونٹ کا بھر پور بائیکاٹ کریں اور کوئی ایسا مواد شائع نہ کریں جس سے مزید بے حیائی پھیلنے کے امکانات بڑھیں ۔ اس موقع پر MSO کراچی کے ناظم اطلاعات محمد عادل نے کہ MSO کراچی 14 فروری کو یوم حیاء کے طور پر منائے گی جس پر آج کراچی کے تمام زونوں میں حیاء کنونشنز منعقد کی جائیں گی۔
سندھ ویلفیئر ایسوسی ایشن کے تحت “کچہری سنگت” کی پروقار تقریب کا اہتمام
پیرمحل کی خبریں 13/2/2017
