مصطفی آباد/للیانی (نامہ نگار) ریاست کو ایک ماں کی طرح عوام کو تعلیم، صحت، رہائش جیسی بنیادی سہولیات فراہم کرنا چاہئے،عوامی نیشنل پارٹی کرپٹ سسٹم کو ختم کرنے کیلئے کوشاں ہے،ہم ایسے محرکات پید ا کر رہے ہیں جس سے ملک میں حقیقی تبدیلی آئے گی، عوامی نیشنل پارٹی نے بلوچستان میں ڈھائی سال حکومت کرکے صوبہ کو امن کا گہوارہ بنادیا تھا، نیشنل عوامی پارٹی کی پالیسیوں پر عمل کرکے ملک میںبدامنی و افراتفری پر قابو پایا جا سکتا ہے، ان خیالات کا اظہار عوامی نیشنل پارٹی پنجاب کے جزل سیکرٹری طالب حسین ، رشید لالہ، فیاض بھٹی،اقبال کھوکھر، یونس وریام نے پریس کلب مصطفی آباد للیانی(رجسٹرڈ) میں مشترکہ پریس کانفرنس کرتے ہوئے کیا،انہوں نے مزید کہا کہ عوامی نیشنل پارٹی مزدور طبقہ کی جماعت ہے، ہم نے پنجاب کے 29اضلاح میں تنظیم سازی کر لی ہے، 2018کے الیکشن میں پنجاب بھر سے اپنے امیدوار کھڑے کریں گے اور الیکشن میں بھر پور حصہ لیں گے، عوامی نیشنل پارٹی خالص جمہوری پارٹی ہے جبکہ دیگر سیاسی جماعتیں مروثی ہیں،عوامی نیشنل پارٹی مضبوط نبیادوں پر کھڑی ہے، پارٹی منشور پر عمل کرنے والا ہی پارٹی میں شامل ہو سکتا ہے، انہوں نے مزید کہا کہ پاکستان سمیت دنیا کے متعدد ممالک دہشت گردی کا شکار ہیں ہمیں ایک دوسرے پر تنقید کرنے کی بجائے مل کر دہشت گردی کو ختم کرنا ہو گا، دہشت گردی کی روم تھام کیلئے ٹھوس اقدامات کرنا ہوں گے، دہشت گردی کا اسلام سے کوئی تعلق نہیں، حالیہ دہشت گردی کے واقعات کی جتنی بھی مذمت کی جائے کم ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی(نامہ نگار) ماہ جنوری کی تنخواہیں نہ ملنے پر میونسپل کمیٹی مصطفی آباد کے خاکروبوں کی ہڑتال، گھروں کے چولہے ٹھنڈے ہو چکے ہیں، اعلی حکام فوری نوٹس لیں، مطالبہ، تفصیلات کے مطابق میونسپل کمیٹی مصطفی آباد کے خاکروبوں و دیگر ملازمین کو ماہ جنوری کی تنخواہیں تا حال نہ مل سکی، جس پر میونسپل کمیٹی مصطفی آباد کے خاکروبوں نے کام چھوڑ ہڑتال کر دی، انہوں نے اعلی حکام سے مطالبہ کیا کہ ہمارے گھروں کے چولہے ٹھنڈے ہو چکے ہیں ہمیں فوری طور پر تنخواہیں دی جائیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی(نامہ نگار) ایک شخص سے 15لیٹر دیسی شراب ، ایک سے ناجائز پسٹل بر آمد، الگ الگ مقدمات درج، تفصیلات کے مطابق پولیس تھانہ مصطفی آباد نے پکی حویلی سے امیر کالونی کے رہائشی منیر احمد کو گرفتار کرکے 15لیٹر دیسی شراب بر آمد کر لی، جبکہ سرہالی روڈ سے رفاقت علی کو گرفتار کرکے اس کے قبضہ سے ناجائز پسٹل بر آمد کرکے دو الگ الگ مقدمات درج کرکے ملزمان کو حوالات میں بند کر دیا
محمد عمران سلفی صدر پریس کلب مصطفی آباد للیانی رجسٹرڈ 0300-0334-7575126
ملکہ کی خبریں 21/2/2017
بدعنوانی ناسور کی شکل اختیار کر چکی ہے : پیر غلام رسول
