مردم شماری میں ہیر پھیر ملک و قوم کیلئے مضر و نقصان دہ ہوگا ‘ سولنگی اتحاد افغان مہاجرین کو مردم شمار ی کے عمل سے دور رکھنا ہی محفوظ قومی مستقبل کا ضامن ثابت ہوسکتا ہے مردم شماری میں جانبداری و ہیر پھیراور غلط اعدادوشمار کا اندراج ملک وقوم دشمنی ہوگی ‘ امیر علی سولنگی کراچی (اسٹاف رپورٹر) سندھ بھر میں آج سے شروع ہونے والی چھٹی مردم شماری و خانہ شماری میں سندھ کے ہر باشندے کو حصہ لینے اور خواتین ‘ مردوں ‘ بچوں ‘ نوجوانوں اور بزرگوں سمیت گھر کے ہرفرد اور 18سال سے زائد ہر مرد وعورت کے ووٹ کے اندراج و رجسٹریشن کو یقینی بنانے کی اپیل کرتے ہوئے پاکستان سولنگی اتحاد کے سینئر و بزرگ رہنما امیر سولنگی ‘ ڈاکٹر اے ڈی سولنگی ‘ ایڈوکیٹ کرم اللہ سولنگی ‘ صالح سولنگی ‘ایاز سولنگی ‘ رمضان سولنگی ‘ بشیر سولنگی ‘ روشن سولنگی ‘ ارشاد سولنگی ‘ عباس سولنگی ‘ جمعہ خان سولنگی ‘ الیاس سولنگی ودیگر اور سندھ ساوا ایسوسی ایشن کے رہنماؤں ڈاکٹر مسعود سولنگی ‘ عرفا ن سولنگی ‘ دیدار علی سولنگی ‘ دھنی بخش سولنگی ‘ ممتاز علی سولنگی ‘ڈاکٹر اللہ ڈنو سولنگی ‘ ساگر سولنگی ‘ دلبر سولنگی ‘ ڈاکٹر قدیرسولنگی و دیگرنے کہا ہے کہ مردم شماری قومی و آئینی تقاضہ ہے جسے آئین کی روح کے مطابق مکمل شفافیت و غیر جانبداری سے تکمیل پذیر ہونا چاہئے کیونکہ قومی تقاضے میں کسی بھی قسم کی جانبداری ‘ ذاتی مفادات کیلئے ہیر پھیر یا غلط اعدادوشمار کا اندرا ج قومی مستقبل کیلئے مضر ثابت ہوگا اسلئے مردم شماری میں شفافیت و غیر جانبداری سے کسی بھی قسم کا اغماض قومی مفادات کیخلاف اور ملک وقوم سے غداری و دشمنی تصور ہوگا جبکہ افغان مہاجرین کو مردم شمار ی کے عمل سے دور رکھنا ہی محفوظ قومی مستقبل کا ضامن ثابت ہوسکتا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مردم شماری میں مادری زبان گجراتی ہی لکھوائی جائے ‘ جی کیو ایم گجراتی بولنے والی تمام برادریاں درست معلومات اوراعدادو شمار فراہم کریں ‘ گجراتی سرکار گھر کے ہرفرد وہر ووٹ کا یقینی اندراج ہی عوام کو مستقبل کی پریشانیوں سے محفوظ بنائے گا! کراچی ( اسٹاف رپورٹر )گجراتی بولنے والی میمن ‘ کچھی ‘ کاٹھیاواڑی’ بوہری ‘ اسماعیلی ‘ پارسی ‘ ہندو و دیگر برادریاں اور جونا گڑھ سے تعلق رکھنے والے تمام محب وطن پاکستانی آج سے شروع ہونے والی چھٹی مردم شماری کے عملے سے بھرپور تعاون کرتے ہوئے انہیں درست معلومات اور اعدادو شمار فراہم کریں اور اپنے گھر کے ہر مرد و عورت ‘ بچے ‘ بوڑھے و جوان اور 18سال سے زائد ہر فرد کے ووٹ کا اندراج و رجسٹریشن یقینی بنائیں ۔ گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے گجراتی بولنے والے تمام محب وطن پاکستانیوں سے مردم شماری میں بھرپور حصہ لینے کی اپیل کرتے ہوئے کہا کہ گجراتی بولنے والا ہر فرد مادری زبان کے خانے میں گجراتی لازمی تحریر کرائے اور مردم شماری و خانہ شماری فارم بھرتے ہوئے پنسل کی جگہ بال پین کا استعمال کیا جائے جبکہ ہر شادی شدہ جوڑے کیلئے الگ الگ فارم بھرایا جائے ۔ گجراتی سرکار نے مزید کہا کہ مردم شماری میں درست اعداد و شمار ‘ گھر کے ہرفرد اور ہر بالغ فرد کے ووٹ کا یقینی اندراج ہی ہمیں اور ہمارے بچوں کو پاکستانی دستاویزات کے حصول میں ہونے والے پریشانیوں سے مستقبل میں محفوظ بنانے کیساتھ حقوق کے حصول میں بھی معاون ثابت ہوگا! ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی (اسٹاف رپورٹر) شاہ فیصل کالونی فلائی اوور کے نیچے کالونی گیٹ کے اطراف آبادیوں میں عوام سیوریج مسائل سے دو چار ،گھروں میں سیوریج کا پانی داخل ہوگیا سیوریج سسٹم کے ناقص نظام کی وجہ سے گھروں کی بنیادیں کمزور ہوگئیں ،عوام شدیداذیت میں مبتلا واٹر اینڈ سیوریج بورڈ شاہ فیصل کالونی کے افسران وعملہ مسئلہ کے حل میں کوئی دلچسپی نہیں لے رہے عوام کی جانب سے بارہا درخواست کے باوجود شکایات کا ازالہ نہیں کیا جارہا ،علاقہ مکینوں نے صوبائی وزیر بلدیات جام خان شورو ،سیکریٹری بلدیات اور ایم ڈی واٹر اینڈ سیوریج بورڈ سے اپیل کی ہے کہ شاہ فیصل فلائی اوور کے نیچے کالونی گیٹ کے اطراف قائم آبادیوں کے مکینوں کو سیوریج مسائل سے نجات دلا نے کے لئے فوری احکامات صادر کرکے عوام کو سیوریج مسائل کی وجہ سے درپیش اذیت سے چھٹکارہ دلا ئیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حسین حقانی کسی زمانے میں پی پی پی کے پسندیدہ ترین شخص تھے،پرانی یادیں ڈرائونا خواب بن کر سامنے آجاتی ہیں،میمو گیٹ کی رپورٹ سپریم کورٹ کے بند لفافے سے نکالی جائے اور عوام کے سامنے پیش کی جائے،کوئی شخص بیرون ملک میں بیٹھ کر پاکستا ن کے خلاف حد سے تجاوز کرے توبرداشت نہیں کرینگے،امریکی کانگریس میں پاکستان کے خلاف ہرزہ سرائی کی گئی،وطن عزیز کی سالمیت کے خلاف سازشوں کا مقابلہ کرنے کے لئے ہر وقت تیار ہیں،شاہ محمد اویس نورانی صدیقی جمعیت علماء پاکستان و مرکزی جماعت اہل سنت کے تحت چار روزہ ملک گیر احتجاجی مہم کا آغاز بروز جمعرات سے کر رہے ہیں،نشانہ گستاخانہ مواد پھیلانے والے ہونگے، کراچی(۔۔۔)جمعیت علماء پاکستان کے مرکزی رہنما اور مرکزی جماعت اہل سنت کے نگران اعلیٰ شاہ محمد اویس نورانی صدیقی نے کہا ہے کہ میمو گیٹ ہو یا ڈان لیک ہو، ذاتی مفادات کی وجہ سے ہی ملک و قوم کی بدنامی ہوتی ہے،کہیں نہ کہیں کمزوری چھوڑی جاتی ہے تب ہی کوئی وطن فروش فائدہ اٹھا کے منفی پروپیگنڈا کرتا ہے،موجودہ دور جمہوریت میں مسلسل سازشیں پیدا ہوتی رہی ہیں اور ہر دو فریق میں سے ایک فریق حکومتی جماعت تھی،اتفاق بار بار ہونے لگے تو یقین کی سی کیفیت پیدا ہوجاتی ہے،پانامہ کس کے گلے کا پھندا ہے یہ بھی ایک بہت بڑا سوال ہے،ہم ،سرپرائز برداشت کرنے جیسی صورتحال میں نہیں ہیں،غلط پالیسیوں کی وجہ سے پانچ سال ملک میدان جنگ بنا رہا ہے،اگر حکومت اور اپوزیشن اپنا اپنا کام کرلیتے تو شائد ملک موجودہ صورتحال سے دوچار نہ ہوتا، اسلام آباد ہائی کورٹ کے جج کے فیصلے پر اگر پوری مشنری حرکت میں آسکتی ہے تو اس کا مطلب یہ ہوا کہ اگر کرنا چاہیں تو ہم کچھ بھی کر سکتے ہیں،ملک کے تمام مسائل کا حل اسلامی نظام کے سورج طلوع ہونے میں ہے،جمعیت علماء پاکستان کراچی ڈویژن کے تمام سینئر خادمین و ذمہ داران کے اہم ترین اجلاس سے خطاب کرتے ہوئے جمعیت علماء پاکستان کے مرکزی رہنما اور مرکزی جماعت اہل سنت کے نگران اعلیٰ شاہ محمد اویس نورانی صدیقی نے کہا کہ حسین حقانی کسی زمانے میں پی پی پی کے پسندیدہ ترین شخص تھے،پرانی یادیں ڈرائونا خواب بن کر سامنے آجاتی ہیں،میمو گیٹ کی رپورٹ سپریم کورٹ کے بند لفافے سے نکالی جائے اور عوام کے سامنے پیش کی جائے،کوئی شخص بیرون ملک میں بیٹھ کر پاکستا ن کے خلاف حد سے تجاوز کرے توبرداشت نہیں کرینگے،امریکی کانگریس میں پاکستان کے خلاف ہرزہ سرائی کی گئی،وطن عزیز کی سالمیت کے خلاف سازشوں کا مقابلہ کرنے کے لئے ہر وقت تیار ہیں،ہماری کمزور خارجہ پالیسی کی وجہ سے کوئی بھی ہمارے خلاف کچھ بھی بول دیتا ہے،ہمیں حدود و قیود طے کرنا ہونگے،امریکی سفیر کو بلا کر سخت احتجاج کیا جائے اور اس بات کا احساس دلایا جائے کہ ماضی میں ایسا ہوا تھا مگر اب ایسا نہیں ہوسکے گا، پاکستان جمہوری بنیادوں پر کھڑا ہے،ہم دوسروں کی جنگ میں قربانیاں دیں،دوسروں کی جیت کے لئے کئی محاذ پر شکست قبول کی،پھر بھی ہمارے خلاف پروپیگنڈا جاری ہے،،شاہ محمد اویس نورانی صدیقی نے کہا کہ جمعیت علماء پاکستان و مرکزی جماعت اہل سنت کے تحت چار روزہ ملک گیر احتجاجی مہم کا آغاز بروز جمعرات سے کر رہے ہیں،نشانہ گستاخانہ مواد پھیلانے والے ہونگے،اسلام آباد ہائی کورٹ کے جج نے وہ فیصلہ دیا جو کچھ سال پہلے پاکستان کے ہر جج کو دینا چاہیے تھا،ناموس رسالت ۖ کی معاملہ اس وقت عالمی سطح پر اجاگر ہوچکا ہے،اسلام تمام مذاہب کے احترام کی بات کرتا ہے اور تمام انبیاء علیہ السلام کے تقدس کی بات کرتا ہے،ناموس رسالتۖ اسلام کی نظریاتی اساس ہے،ہم اپنی اساس کے تحفظ کے لئے ہر پلیٹ فارم پر مقابلہ کرینگے،معاشرے میں عدم برداشت کا پیغام سیکولر لابی اور منتشر ذہن کے لوگ دے رہے ہیں،اسلام پسندوں نے کبھی بھی شدت پسندی کی بات نہیں کی ہے،اس موقع پر عبدالمجید اسماعیل نورانی، محمد امین نورانی، محمد فاروق نورانی بھی موجود تھے
فیصل آباد کی خبریں 14/3/2017
پائی خیل کی خبریں 14/3/2017
