ایک نئی تحقیق میں بتایا گیا ہے کہ سرخ گوشت میں پائے جانے والے پروٹین دماغ تک خون پہنچانے والی شریانوں کے بند ہونے کا خطرہ بڑھا دیتے ہیں۔
تحقیق کے مطابق جو لوگ سرخ گوشت کا بہت زیادہ استعمال کرتے ہیں ان میں فالج کا خطرہ 47 فیصد تک بڑھ جاتا ہے۔
محققین کا کہنا ہے کہ گائے یا بکرے کے گوشت کا استعمال ترک نہیں کرنا چاہئے تاہم اسے محدود ضرور کر دینا چاہئے۔
تحقیق میں بتایا گیا ہے کہ مرغی، سی فوڈ یا سبزیوں میں پائے جانے والے پروٹین سے ایسا خطرہ لاحق نہیں ہوتا۔تحقیق کے دوران محققین نے 11 ہزار کے لگ بھگ درمیانی عمر کے طبی ڈیٹا کا تجزیہ کیا۔
محققین کا کہنا ہے کہ جو لوگ کم پروٹین غذا میں استعمال کرتے ہیں ان میں موٹاپے یا کولیسٹرول بڑھنے کا امکان بھی کم ہوتا ہے۔
تحقیق میں یہ انتباہ بھی کیا گیا ہے کہ پراسیس شدہ گوشت کا استعمال فالج کا خطرہ بہت زیادہ بڑھاتا ہے جبکہ اس سے شریانوں کے امراض کا امکان بھی بڑھ جاتا ہے جو دل کی بیماریوں میں تبدیل ہو سکتا ہے۔
پورے یورپ میں خسرے کی وباؤں کا خطرہ، عالمی ادارہٴ صحت کی تنبیہ
انسانی جسم سے موبائل چارج کرنے والی بیٹری تیار
