فیصل آباد: پاکستان پیپلز پارٹی پی پی 67 سے امیدوار چوہدری نجف ضیاء وڑائچ نے کہا ہے کہ بھارت میں ہندو انتہا پسند وں نے مسلمانوں کا جینا دوبھر کررکھا ہے جبکہ وہاں پاکستانی مصنوعات کو بھی نذر آتش کیا جارہا ہے اس سب کے باوجودہ ایک بھارتی سرمایہ کار اور مسلمان بیزار مودی کے یار سے ملک کے پر فضاء مقام پر بغیر ویزے ملاقات کرکے وزیر اعظم نوازشریف نے صرف پاکستانیوں کے ہی نہیں بلکہ لاکھوں کشمیریوں کے زخموں پر نمک پاشی کی ہے ،انہوںنے کہا کہ 20کروڑ عوام کے نمائندہ ہونے کے دعویدار میاں نوازشریف نے صرف اپنے ذاتی کاروباری مفاد کو بچانے اور مز یداسٹیل ملز لگانے کیلئے عوام کی دل آزاری کی ہے ،بات بات پر قوم سے خطاب کرکے جھوٹ پر جھوٹ بولنے کے عادی نوازشریف اس معاملے پر بھی قوم سے خطاب کرکے ایک اور جھوٹ بول لیں کیونکہ ان کی خاموشی اس بات کو ظاہر کرتی ہے کہ ان کو ملکی سلامتی اور عوام کے جذبات سے کوئی لینا دینا نہیں اب فیصلہ خود عوام کو کرنا ہوگا کہ وہ کیا ایسے حکمرانوں کو قبول کریں گے جو ذاتی مفادات پر ملکی مفادات کو ترجیح دیں ؟نجف ضیاء وڑائچ نے مزید کہاکہ پوری قوم یہ مطالبہ کررہی ہے کہ فوری طور پر انڈین مصنوعات کا بائیکاٹ کیاجائے مگر شریف فیملی ایسے اقدامات کی کبھی حمایت نہیں کرے گی ،کیونکہ خود ان کی ملوں میں بھارتی لوگ کام کررہے ہیں ضرورت اس امر کی ہے کہ عوام صرف بھارتی مصنوعات کا ہی نہیںبلکہ ان نام نہاد شریفوں کا بھی بائیکاٹ کریں تاکہ سانپ بھی مرجائے اور لاٹھی بھی نہ ٹوٹے ۔۔۔۔۔۔۔۔ ۔۔۔۔۔۔۔۔
فیصل آباد ( ) اسلام آباد میں ہونے والے تحریک انصاف کے جلسہ میں پی پی 65سے چوہدری ظفر اقبال سندھو کی قیادت میں ایک بہت بڑے قافلے نے شرکت کی ،جلسہ سے واپسی پر میڈیا سے گفتگو کرتے ہوئے انہوںنے کہاکہ پریڈ گرائونڈ اسلام آباد میں انسانوں کا سمندر تھا جتنے لوگ پنڈال میں موجود تھے اس سے کئی گنا زیادہ پنڈال کے باہر کھڑے تھے مگر جگہ نہ ہونے کی وجہ سے یہ لوگ باہر کھڑے ہوکر اپنے قائد کا خطاب سنتے رہے ،وفاقی دارالحکومت میں آج تک جتنے بھی جلسے ہوئے یہ سب سے بڑا اور تاریخ ساز جلسہ تھا جس کے شرکاء کی تعداد غیر ملکی میڈیا نے 2لاکھ سے بھی زائد بتائی جبکہ ہمارے مطابق یہ تعداد اس سے بھی کہیں زیادہ تھی ،انہوں نے کہاکہ پاناما کیس کا فیصلہ آنے کے بعد عوام کا اتنی بڑی تعداد میں نواز شریف کے خلاف گھروں سے نکلنا اس بات کا منہ بولتا ثبوت ہے کہ پوری قوم اب ان نااہل اور چو ر حکمرانوں کو مزید برداشت کرنے کیلئے تیار نہیں اور وہ چاہتی ہے کہ جتنی جلدی ہو ان سے جان چھوٹے اور نیٹ اینڈ کلین لوگ اقتدار میںآئیں انہوں نے کہا کہ عمران خان کا اگلا پڑائو سیالکوٹ میںہے وہاں بھی ہم ایک نیا ریکارڈ قائم کریں گے ،انہوںنے مزید کہاکہ 10ارب روپے کی پیشکش کرنے والے حکمرانوں کا اصل چہرہ کیا بے نقاب ہوا یہ تلملا بھی اٹھے ہیں اور بلبلا بھی ابھی تویہ پہلا جھٹکا ہے ابھی تو بہت کچھ منظر عام پر آنے والا ہے جس کے بعد یہ لٹیر ے منہ چھپاتے پھیریں گے ،عمران خان سیالکوٹ کے جلسہ میں بہت بڑا انکشاف کریں گے۔ ۔۔۔۔۔۔۔۔ ۔۔۔۔۔۔۔۔
فیصل آباد: پاکستان تحریک انصاف ویسٹ ریجن پنجاب کے سیکرٹری ویلفیئر اور پی پی 51چک جھمرہ سے متوقع امیدوار لقمان چوہدری نے عوام رابطہ مہم کا باضابطہ آغاز کردیا ہے ،انہوںنے گزشتہ روز حلقہ بھر کے متعدد معززین سے ملاقات کرکے اپنے منشور بارے آگاہی دی انہوں نے بتایا کہ پی پی 51کے تمام مسائل کا خاتمہ میری ترجیحاتمیں شامل ہوگا ،سٹریٹ لائٹس ،ماڈل روڈز ،،پی پی سی گلیاں ،سیوریج مسائل کا خاتمہ’ پینے کے صاف پانی کی فراہمی اور عوام کا معیار زندگی بلند کرنا میرا مشن ہوگا ،اس حلقہ کو ہر دور میں نظر انداز کیا گیا ،لوگوں نے ہر مرتبہ ان لوگوں کو ووٹ دیکر دھوکہ کھایا مگر اب میں انہیں یقین دلاتا ہوں کہ ان کے مسائل حل ہونے کا وقت قریب آگیا ہے بہت جلد ان کرپٹ اور نااہل حکمرانوں کے اقتدار کا سورج غروب ہونے والا ہے ،پاناما فیصلہ آنے کے بعد اصولی واخلاقی طور پر میاں نوازشریف کو استعفیٰ دیکر عوام کی عدالت میں پیش ہوجانا چاہیے تھا مگرجن لوگوں کو کمیشن کھانے کی عادت پڑگئی ہو ان میں کسی بھی قسم کا اخلاق آسکتا ہے نہ وہ اصولو ں کی پاسدار ی کرسکتے ہیں اس لئے ان حکمرانوں کو اقتدار سے باہر اب عوام کی طاقت سے نکالا جائے گا ،گزشتہ روز اسلام آباد میں ہونے والے جلسہ عام میں لاکھوں لوگوں کی شرکت نے حکمرانوں کیلئے خطرے کی گھنٹی ہی نہیں بلکہ پورا گھڑیال بجا دیا ہے انہوںنے کہاکہ پی پی 51کی تمام محرومیوں کا خاتمہ کرکے اسے دیگر تمام ترقی یافتہ حلقوں کی صف میںلانا میرا خواب ہے اور اس خواب کی تعبیر امید ہے مجھے جلد ملے گی اس کے بعد کوئی مائی کا لال اس حلقے کا رخ نہیں کرے گا۔
الخدمت فاؤنڈیشن پاکستان کے زیر اہتمام ’’یونین آف این جی اوز آف اسلامک ورلڈ ‘‘ کا سالانہ ریجنل اجلاس انعقاد پذیر
کراچی کی خبریں 30/4/2017
