لاہور : پاکستان مسلم لیگ ن لاہور کے سینئر رہنما، سابق ممبر صوبائی اسمبلی، وائس چیئرمین اے کیوخان ہسپتال اور لائف ممبر لاہور پریس کلب حاجی قیصرامین بٹ القادری نے کہا ہے کہ جمہوریت نے منتخب کیا اور جمہوریت ہی موجودہ سازشوں کا ناکام بنائے گی، عوام نے وزیراعظم میاں محمد نواز شریف کو 5سال کیلئے بھاری اکثریت سے منتخب کیا ہے ، مسلم لیگ ن اپنے قائد میاں محمد نواز شریف کی قیادت میں متحد و متفق ہے۔
لیگی کارکنوں سے گفتگو کرتے ہوئے حاجی قیصر امین بٹ کا کہنا تھاکہ میاں محمد نواز شریف مرد بحران ہیں انہوں نے ہمیشہ عوامی قوت کے ساتھ ہر سازش کا دلیرانہ مقابلہ کیا اور ہر سازش میں سرخرو رہے اور انشاء اللہ اب بھی سرخرو ہوں گے ، کابینہ اور پارلیمانی پارٹی ایک مرتبہ وزیراعظم میاں محمد نواز شریف پر مکمل اعتماد کا اظہار کیا ہے۔
حاجی قیصر امین بٹ کا کہنا تھاکہ ہم جمہوری لوگ ہیں کئی دہائیوں سے عوام کی حقیقی خدمت کررہے ہیں ، انشاء اللہ جمہوریت کے خلاف سازشیں کرنیوالے ناکام ہوں گے اور عوام کے سامنے بے نقاب ہوں گے۔
میڈیا سیکرٹری حاجی قیصر امین بٹ القادری سنیئر رہنما پاکستان مسلم لیگ ن 180راوی پارک راوی روڈ لاہور
کراچی کی خبریں 16/7/2017
فیصل آباد کی خبریں 16/7/2017
