تیرے غم کی بحالی ہو نہ جائے

Posted on July 30, 2017 By Majid Khan آپکی شاعری, شاعری

Grief

تیرے غم کی بحالی ہو نہ جائے
زمیں کی کوکھ خالی ہو نہ جائے
نظر پھِر سے سوالی ہو نہ جائے
میرے ماتھے پہ سورج اگ رہا ہے
تمہاری رات کالی ہو نہ جائے
خوشی کی اور نہ غم کی ہے پرواہ
طبیعت لا ابالی ہو نہ جائے
فقیہہِ شہر کی فتویٰ گری سے
میری شہرت مثالی ہو نہ جائے
مجھے تو شام سے خدشہ ہے ساحل
تیرے غم کی بحالی ہو نہ جائے

ساحل منیر