راولپنڈی (جیوڈیسک) آرمی چیف جنرل قمر جاوید باجوہ نے کہا ہے کہ ملک سے دہشتگردی کے خاتمے کیلئے بھرپور کوششیں کی جائیں گی۔
راولپنڈی میں کور کمانڈرز کانفرنس سے خطاب کے دوران ان کا کہنا تھا کہ ملک کے کونے کونے سے دہشتگردی کے خاتمے کیلئے قومی اداروں کا تعاون حاصل ہے اور امید ہے جلد ملک امن کا گہوارہ بن جائے گا۔
جنرل قمر جاوید باجوہ نے کہا کہ جنوبی ایشیا میں قیام امن کو یقینی بنانے کیلئے عوام اور تمام قومی اداروں کے درمیان تعاون کی فضا قائم کرنا ہوگی تاکہ عوام بلاخوف و خطر زندگی گزار سکیں۔
ان کا کہنا تھا کہ پاکستان کی عوام کو یقین ہے کہ پاک فوج ان کی حفاظت کیلئے چاک و چوبند ہے اور آئندہ بھی ملک و قوم کی حفاظت کیلئے اپنی بھرپور صلاحیتوں کو بروئے کار لائے گی۔
نواز شریف کا مقصد سپریم کورٹ کو کمزور کرنا ہے، عمران خان
متعلقہ ممالک کوریا جزیرہ نما میں کشیدگی کو کم کرنے والی مثبت کوششیں کریں: چین
