ڈیرہ کوٹلہ : معروف سیاسی و سماجی شخصیت چوہدری شفیق لنگڑیال ڈیرہ چوہدری نعیم رضا کوٹلہ کے پولیٹیکل ایڈوائزر مقرر ہو گئے۔ پر ہجوم پریس کانفرنس سے خطاب کرتے ہوے چوہدری شفیق لنگڑیال نے کہا کہ میں چوہدری نعیم رضا ،چوہدری شاہد رضا کوٹلہ کی طرف سے ڈیرہ کوٹلہ کی سونپی گئی ذمہ داری پر مشکور وممنون ہوں اور انشاء اللہ جس اعتماد کا اظہار کرتے ہوئے کوٹلہ برادران نے مجھے اس منصب پر فائز کیا ہے۔
اسے بااحسن سرانجام دوں گا ۔ انہوں نے کہا کہ ڈیرہ کوٹلہ عوامی خدمت کا مرکز ہے ۔چوہدری عبدالمالک شہید کے سیاسی جانشین چوہدری نعیم رضا ،چوہدری شاہد رضا اپنی اسطاعت سے زیادہ اپوزیشن میں ہوتے ہوئے بھی عوامی خدمت پر مامور ہیں ۔ انہوں نے کہا کہ حلقہ میں عوام الناس کے ساتھ کسی قسم کی زیادتی نہیں ہونے دیں گے ۔ انشاء اللہ بہت جلد مربوط لائحہ عمل کے تحت حلقہ میں غنڈا گردی ،بھتہ خوری اور سرگرم عمل قبضہ مافیا کے خلاف جاندار تحریک کا آغاز کریں گے اور عوامی محرومیوں کا ازالہ کریں گے ۔ ایک سوال کے جواب میں ان کا کہناتھا کہ مسلم لیگ ق عوامی جماعت ہے عروج زوال سیاسی جماعتوں کی تحریک کا حصہ ہوتے ہیں ۔ ہم انشاء اللہ بھرپور محنت اور لگن سے مسلم لیگ ق کی مضبوطی کیلئے ورک کریں گے اور بہت جلد مسلم لیگ ق کو ماضی کی طرح مضبوط اور فعال بنائیں گے ماضی کی طرح چوہدری نعیم رضا کی قیادت میں تعمیر وترقی کا سفر جاری رہے گا۔
کوٹلہ ارب علی خاں کی خبریں 16/8/2017
خواجہ دلشاد حسین منصور کا دبئی سے تشریف لائے سید علی عباس شاہ کے اعزاز میں عشائیہ اور علامہ سعید الحسن گیلانی کا ظہرانہ
