لاہور (جیوڈیسک) چیئرمیں تحریک انصاف عمران خان نے میڈیا سے گفتگو کرتے ہوئے کہا لاہور سے خوف ختم ہو رہا ہے، این اے 120 کی عوام عدلیہ کیساتھ کھڑی ہے۔ انہوں نے کہا عدلیہ کو دباؤ میں لانے کیلئے جی ٹی روڈ پر ریلی نکالی گئی، ساری مہم کا مقصد نگران جج کو ہٹانا تھا۔ انہوں نے اداروں کو مافیا کی طرح استعمال کیا۔
عمران خان نے کہا بڑے ڈاکوؤں کی اصل جگہ اڈیالہ جیل ہے، اقامہ کے پیچھے اربوں روپے کی منی لانڈرنگ ہے، ایف آئی اے اور نیب نے کبھی ان کیسز پر کچھ نہیں کیا۔ ان کا کہنا تھا کہ الیکشن کمیشن نیوٹرل امپائر نہیں ہے۔
مجھے توہین عدالت میں بلانے کا مقصد صرف یہ ہے کہ میں پاناما کیس عدالت میں لے کر کیوں گیا۔ عمران خان نے مزید کہا الیکشن کمیشن جوڈیشل باڈی نہیں ہے، اور نہ ہی وہ کسی کو توہین عدالت میں بلا سکتا ہے، مجھے الیکشن کمیشن کے ذریعے بلیک میل کیا جا رہا ہے۔
چیئرمیں پی ٹی آئی نے الیکشن کمیشن سے سوال کیا کہ کسی اور کو کتنی بار توہین عدالت کیس میں بلایا گیا؟۔
عراق : بم دھماکے، فائرنگ سے 83 افراد جاں بحق
زمین ڈاٹ کام نے 45 لاکھ ماہانہ پیج ویوز کا سنگ میل عبور کر لیا
