ٹیکسلا (ڈاکٹر سید صابر علی سے) جو ڈیشل کمپلیکس ٹیکسلا میں وکلاء کے نئے چیمبرز کی تعمیرات کا توسیع منصوبہ پر کام جاری، نو تعمیر 24 چیمبرز میں 48 وکلاء کو اکاموڈیٹ کیا جائے گا، توسیع منصوبے کا پروجیکٹ پہلے مسترد ہوا ، دوبارہ ہم نے اس اہم مسلہ پر کام کا آغاز کیا،ہماری ان تھک کاوشوں کا ثمر ہے کہ ڈسٹرکٹ اینڈ سیشن جج سہیل ناصر کی مہربانیوں کا نتیجہ ہے کہ ہم آج وکلاء کے لئے نئے چیمبرز تعمیر کرنے میں کامیاب ہوئے،صدر ٹیکسلا بار ایسوسی ایشن میر ناصر بلال ایڈووکیٹ کی میڈیا سے گفتگو،تفصیلات کے مطابق جوڈیشل کمپلیکس ٹیکسلا میں24 نئے چیمبرز تعمیر کئے جارہے ہیں ،جس کاباقائدہ افتتاح ماہ دسمبر میںہوگا،موجودہ باڈی کی کاوشوں سے یہ منصوبہ پائی تکمیل کو پہنچ رہا ہے،نئے چیمبرز میں ان وکلاء کو الاٹمنٹ کی جائے گی جو پریکٹس کر رہے ہیں،نئے چیمبرز کی تعمیر پر 30 لاکھ کے قریب لاگت آرہی ہے جو ہم وکلاء مل کر اپنی مدد آپ کے تحت کر رہے ہیں،اس کے علاوہ وکلااء کے لئے نیا ہال جس کی کنسٹرکشن تو ہوئی مگراسکی تزئین و آرائش کے لئے موجودہ باڈی نے 13 لاکھ روپے کی خطیر رقم جمع کی،جس میں سے پانچ لاکھ لا منسٹری سے لئے گئے،ہائی کورٹ کے دوستوں نے مہربانی کی کچھ ڈسٹرکٹ اینڈ سیشن جج ، اے سی وغیرہ سے لئے گئے تاہم بار ایسوسی ایشن کا ایک پائی ا س پر خرچ نہیں لگا،صدر بار ایسوسی ایشن میر ناصر بلال ایڈووکیٹ کا کہنا تھا کہ الیکشن کمیپن کے دوران وکلاء سے جو وعدہ کیا اسے وفا کر رہے ہیں چھ اوتھ کمشنر تھے ہم نے اس ضمن میں لاہور ہائی کورٹ کو ایک درخواست دی جس میں کہا گیا کہ چھ مزید سیٹوں کا مطالبہ کیا گیا، جو منظور ہوئی اب جوڈیشل کمپلیکس ٹیکسلا میں بارہ اوتھ کمشنر تعینات ہوچکے ہیں جس میں چھ نئے اوتھ کمشنر ہونگے،ان پر ان وکلاء کو اکاموڈیٹ کیا جائے گا جن کے مالی حالات اچھے نہیں یا جن کی پریکٹس کمزور ہے وہ وکلاء بطور اوتھ کمشنر اپنی خدمات سر انجام دیکر رزق حال کمائیں گے، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹیکسلا ( تحصیل رپورٹر)بنک الفلاح واہ کینٹ کا عملہ خوش گپیوں میں مصروف چار کاونٹر ہونے کے باوجود ایک اہلکار کسٹمرز کو ڈیل کرنے لگا اہلکار پہلے سے موجود ٹوکن دوستوں میں تقسیم کرنے لگے تفصیلات کے مطابق واہ کینٹ کے رہائشی ایک وفد نے صحافیوں سے خصوصی گفتگو کرتے ہوئے بتایا کے بنک الفلاح واہ کینٹ برانچ میں ٹوکن مشین سے ٹوکن حاصل کیا جاتا ہے جبکہ بنک کا عملہ صبح چند ٹوکن اپنی جیب میں رکھ لیتے ہیں اور وہ ٹوکن بنک میں لین دین کے معاملے میں آنے والے تعلق دار افراد کو پردے میں دے دیئے جاتے ہیں جس وجہ سے باقی افراد کو ٹوکن ہاتھ میں لیکر گھنٹوں بنک کی کرسیوں پر انتظار کروایا جاتا ہے وفد میں موجود الطاف نامی شخص کا کہنا تھا کہ سیکورٹی پر مامورافراد کی جیب میں بھی ٹوکن موجود ہوتے ہیں جو پچاس روپے کے عوض تھما دیے جاتے ہیں جبکہ دو دو اے ٹی ایم مشین ہونے کے باوجود بھی رقم نہیں ہے کا جواب اکثر مل جاتا ہے اْن کا کہنا تھا کہ بنک کا عملہ خود ہمیں مجبور کر رہا ہے کہ ہم بنک الفلاح سے اپنے اکاونٹ کسی دوسرے بنک میں شفٹ کر لیں مزید کہا کہ چار کاونٹر ہونے کہ باوجود ایک کاونٹر پر اہلکار کی موجودگی کی شکایات کی جائے تو منیجر صاحب بھی غصہ سے آگ بگولہ ہو جاتے ہیں وفد نے الفلاح بنک کے ذمہ داران سے بنک کے عملے کا قبلہ درست کرنے کی بھرپور اپیل کی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹیکسلا ( تحصیل رپورٹر)نیشنل ڈیفنس یونیورسٹی، اسلام آباد میں جاری انیسویں نیشنل سیکورٹی ورکشاپ کے شرکاء بشمول سینیٹر مس روبینہ خالد، سینیٹرچوہدری تنویر خان، مس آسیہ ناز تنولی ایم این اے ،مسٹر امجد علی خان ایم این اے، مسٹر محبوب عالم ایم این اے،مسٹر شہریار ملک ایم پی اے، مسٹرمنان خان ایم پی اے ،سول سوسائٹی کے نمائندوں اور سینئر فوجی افسران پر مشتمل 69رکنی وفدنے میجر جنرل محمد سمریز سالک ڈائریکٹر جنرل انسٹی ٹیوٹ برائے اسٹریٹیجک سٹڈیز ریسرچ انالیسز کی قیادت میں پاکستان آرڈننس فیکٹریز کا دورہ کیا۔ عثمان علی بھٹی ڈائریکٹر ایکسپورٹس نے اپنی تفصیلی بریفنگ میں شرکاء کو بتایا کہ پاکستان آرڈننس فیکٹریز وطن عزیز کا ایک دفاعی پیداوار کا ادارہ ہے جو مسلح افواج کی ضروریات پوری کرنے کے بعد اپنی فاضل پیداوار دنیا کے 40سے زائد ممالک کو برآمد کرتے ہوئے ملکی ترقی میں بھی اہم کردار ادا کر رہا ہے۔ انہوںنے پی او ایف کے مختلف شعبوں اور مستقبل میں نئی ٹیکنالوجیز متعارف کرانے اور ویلیو ایڈیشن کے جاری منصوبوں کے بارے میں تفصیلی بریفنگ دیتے ہوئے بتایا کہ اس عظیم قومی ادارے کو مستقبل میں خود کفالت اور اسلحہ سازی کے جدید رجحانات سے ہم آہنگ کیا جائے گا۔ اس سلسلے میں مختلف ممالک کے ساتھ جوائنٹ وینچر کر کے پلانٹ اور مشینری کی اپ گریڈیشن کی جارہی ہے۔ انہوںنے وفد کو بتایا کہ پاکستان آرڈننس فیکٹریز دفاعی صنعت کا ایک اہم ادارہ ہے اور اسے امن اور جنگ کے دوران پاکستان کی دفاعی ضروریات کو پورا کرنے کا مینڈیٹ دیا گیا ہے۔ انہوں نے مزید بتایا کہ حالیہ دہشت گردی کی جنگ میں پی او ایف پاکستان کی مسلح افواج کی اضافی ضروریات کو بہت سارے چیلنجز کے باوجود پورا کر رہی ہے۔ لیفٹیننٹ جنرل عمر فاروق درانی، ہلال امتیاز (ملٹری) چیئرمین پی او ایف بورڈنے شرکاء کے سوالات کے تفصیلی جوابات دیئے۔ شرکاء نے تفصیلی بریفنگ اور وژن کو سراہا اور دفاعی پیداوار کے اس ادارے کی صلاحیتوں پر اطمینان کا اظہار کیا اور معزز اراکین وفد نے ڈسپلے روم میں دفاعی مصنوعات دیکھنے کے بعد پی او ایف کی چند پیداواری یونٹس کا دورہ کیا اور اسلحہ و گولہ بارود کی تیاری کے مراحل دیکھے۔ انہوں نے پی او ایف میں تیار ہونے والی دفاعی مصنوعات کے اعلیٰ معیار کی تعریف کی اور پی او ایف کو دیگر اداروں کے لیے مثالی اور رول ماڈل قرار دیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹیکسلا ( تحصیل رپورٹر)تھانہ صدر واہ کے مشہور منشیات کے مقدمات میں نامزد ملزمان لعل زمان عرف بابا اور یعقوب خان کو باعزت بری کرنیکا عدالتی حکم تفصیلات کیمطابق ملزم لعل زمان پر تھانہ صدر واہ میں ایف آئی آرنمبر 701/2016 زیر دفعہ 9c CNSAدرج تھی اور ساڑھے تین کلو چرس جبکہ ملزم یعقوب خان کیخلاف تھانہ صدر واہ میں FIRنمبر 702/201زیردفعہ 9cدرج تھی اور2500گرام چرس اپنے قبضہ میں رکھنے کا الزام تھا اور دونوں مقدمات خان اعجازASiکی مدعیت میں درج تھے ملزمان مقدمہ کی پیروی ٹیکسلا بار کے معروف قانون دان طاہر محمود راجہ ایڈووکیٹ ہائی کورٹ کر رہے تھے جبک دونوں مقدمات ارشد محمود جسرا ایڈیشنل سیشن جج ٹیکسلا کی عدالت میں زیر سماعت تھے گزشتہ روز ملزمان کے وکیل طاہر محمود راجہ نے عدالت میں دلائل دیتے ہوئے موقف اختیار کیا کہ استغاثہ ملزمان کے خلاف مقدمات ثابت کرنے میں ناکام رہا ملزمان کے قبضہ سے چرس برآمد ہی نہیںہوئی ملزمان بے گناہ ہیں اور تھانہ صدر واہ کی پولیس نے ناجائز مقدمات بنائے فاضل عدالت نے طاہر محمود راجہ کے دلائل سے اتفاق کرتے ہوئے دونوں ملزمان کو باعزت بری کرنیکا حکم صادر کردیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈاکٹر سید صابر علی تحصیل رپورٹر واہ کینٹ ، ٹیکسلا0300-5128038
مسلمان اپنے بچوں کو دین و دنیا کی اعلیٰ تعلیم دلوائیں: سید عرفان احمد
کوٹلہ ارب علی خان کی خبریں 30/9/2017
