اوکاڑہ (جیوڈیسک) عوامی مسلم لیگ کے سربراہ نے پاکستان تحریک انصاف کے جلسے سے خطاب کرتے ہوئے کہا کہ شہباز شریف کو بھی سیاست میں نہیں رہنے دیں گے، جہاں عمران خان کا پسینے بہے گا، وہاں اپنا خون بہا دوں گا۔
انہوں نے کہا کہ دنیا ادھر کی ادھر ہو جائے، نواز شریف کی سیاست ختم ہو چکی، حدیبیہ کیس میں اسحاق ڈار کو طلب ہی نہیں کیا گیا، قوم چاہتی ہے کہ کپتان جمائما کو ملکی سیاست میں لائیں۔
شیخ رشید نے اعلان کیا کہ راولپنڈی کے جلسے میں خود جمائما کو لاؤں گا، کہتے ہیں راولپنڈی کے جلسے میں 10 لاکھ افراد نہ ہوئے تو سیاست چھوڑ دوں گا۔
اس سے قبل عوامی مسلم لیگ کے سربراہ شیخ رشید احمد نے بات کرتے ہوئے کہا کہ نواز شریف کو حدیبیہ کیس کا فیصلہ سن کر دکھ ہوا، اگر عمران خان نااہل ہو جاتا تو ملک میں خانہ جنگی شروع ہو جاتی۔ ان کا مزید کہنا تھا کہ ملک کے اداروں کا فرض ہے کہ ملک کو تباہی سے بچائیں۔
نواز شریف باہر نکلو، ادھر سے میں نکلوں گا، دیکھتے ہیں عوام کس کے ساتھ ہیں۔ عمران خان
کوئٹہ میں دوسرے روز بھی فضا سوگوار، چرچ پر خودکش حملے کا مقدمہ درج
