لاہور (جیوڈیسک) داتا دربار لاہور کے سامنے ایک بڑے جلسۂ عام سے خطاب کرتے ہوئے پیر حمید الدین سیالوی نے حکومت کو وارننگ دی ہے کہ 7 روز میں شریعت کا قانون نافذ کر دیا جائے ورنہ پورا پنجاب بند کر دیں گے۔
پیر حمید الدین سیالوی نے استفسار کیا کہ ہر شہر میں معصوم بچیوں کو قتل کیا جا رہا ہے، حکومت ابھی تک قاتلوں کو گرفتار کیوں نہیں کر سکی؟ انہوں نے اعلان کیا کہ حکومت کو 7 روز کی مہلت دے رہے ہیں، حکومت 7 روز میں شریعت کا قانون نافذ کر دے، اگر شریعت کا قانون نافذ نہ ہوا تو پورا پنجاب بند کر دیں گے۔
پیر سیالوی نے شرکاء سے کہا کہ میری وصیت ہے ختم نبوت کی تحریک کو ختم نہ ہونے دینا، اللہ تعالیٰ ہمیں اس تحریک کو آگے بڑھانے کی توفیق دے، عہد کر لیں کہ آج سے جو کچھ بھی کریں گے، سنت کے مطابق کریں گے، اگر سب لوگ خود قرآن و حدیث پر عمل کریں گے تو قانون کے نفاذ کیلئے حکومت کی محتاجی نہیں رہے گی۔
پیر سیالوی نے مزید کہا کہ حکمرانوں نے قرآن کو سینے سے نہ لگایا، رانا ثناء اللہ کو سینے سے لگایا ہوا ہے، ایسے لوگوں کو ووٹ نہ دینا، اس کانفرنس میں شرکت کر کے خود کو خوش نصیب تصور کرتا ہوں۔
پیر سیالوی نے رانا ثناء اللہ کو مخاطب کرکے کہا کہ تم اپنے بدمعاشوں کے ہاتھ میں بندوقیں دو، ہم اپنے سینے سامنے کریں گے، میں دیکھوں گا رانا ثناء اللہ تمہارے بدمعاش زیادہ ہیں یا ہمارے سینے زیادہ ہیں، لوگو! نبی پاک ﷺ کی غلامی سے کبھی منہ نہ موڑنا۔
کابل کے ایک لگژری ہوٹل میں مسلح گروپ کا حملہ
آمروں نے بلوچستان کو بہت دکھ دیئے، میں بھی بلوچوں کی طرح دکھی ہوں: بلاول بھٹو
