لاہور (جیوڈیسک) اپنے ایک ویڈیو پیغام میں عالمی شہرت یافتہ باکسر نے کہا کہ وہ 7 مئی کو پاکستان آئیں گے اور ایشین گیمز کے سلسلے میں پاکستانی باکسرز کی ٹریننگ کرنے کے لیے تیار ہیں۔
پاکستانی نژاد برطانوی باکسر عامر خان کا کہنا تھا کہ میری خواہش ہے کہ پاکستانی باکسرز میگا ایونٹس میں میڈلز جیتیں اور چیمپئن بن کر دنیا میں پاکستان کا نام روشن کریں، بہترین سہولیات سے لیس اسلام آباد کی عامر خان اکیڈمی کے دروازے تمام پاکستانی باکسرز کے لیے کھلے ہیں، جہاں تربیت کر کے وہ اپنی کارکردگی کا معیار بلند کر سکتے ہیں۔
حال ہی میں اپنے حریف باکسر کو 40 سیکنڈ میں ناک آؤٹ کرنے والے عامر خان کا کہنا تھا کہ پاکستانی باکسر زیادہ سے زیادہ محنت کریں، بھرپور ٹریننگ کریں اور خود پر اعتماد قائم رکھیں، پھر کوئی آپ کوعالمی چیمپیئن بننے سے روک نہیں سکتا۔
منور ظریف کو مداحوں سے بچھڑے بیالیس برس بیت گئے
کیا یہ حکومت کے کام نہیں، جو ہمیں کرنے پڑ رہے ہیں۔ چیف جسٹس
