کراچی (جیوڈیسک) سونے کی قیمتوں میں بالترتیب 200 روپے اور 172 روپے کا اضافہ ہو گیا۔ بین الاقوامی بلین مارکیٹ میں فی اونس سونے کی قیمت2 ڈالر کے اضافے سے 1214 ڈالر کی سطح تک پہنچنے کے باعث مقامی صرافہ مارکیٹوں میں بھی ہفتے کو فی تولہ اور فی دس گرام سونے کی قیمتوں میں بالترتیب 200 روپے اور 172 روپے کا اضافہ ہو گیا ہے جس کے نتیجے میں کراچی حیدرآباد سکھر ملتان فیصل آباد لاہور اسلام آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 55200 روپے اور فی دس گرام سونے کی قیمت بڑھ کر 47325 روپے ہوگئی۔
اس کے برعکس فی تولہ چاندی کی قیمت بغیر کسی تبدیلی کے720 روپے اور فی دس گرام چاندی کی قیمت617.28 روپے پر مستحکم رہی ہے۔
کراچی: جناح انٹرنیشنل ائیرپورٹ پر پی پی رہنما نبیل گبول کا شہری سے جھگڑا
مجبوری میں ایم کیو ایم سے اتحاد کیا، فردوس شمیم کے بیان پر تنازع
