ممبئی (جیوڈیسک) بالی وڈ کے نامور اداکار و ہدایت کار سھیل خان نے اپنی فلم ‘شیر خان’ سے بڑے بھائی یعنی سلو میاں کو آوٹ کر دیا۔
سہیل خان نے 7 سال قبل اپنی ہدایت کاری میں بننے والی فلم ’شیر خان ‘ میں سلمان خان کو مرکزی کردار کے لیے حتمی قرار دیا تھا جب کہ معروف کامیڈین کپل شرما کو بھی فلم میں متعارف کیا جانا تھا۔ خان فیملی نے ذاتی وجوہات کی بنا پر اس فلم کو بنانے کا ارادہ منسوخ کردیا تھا جس کے بعد فلم ’جے ہو‘ بنائی گئی جو کہ شائقین کی توقعات پر پورا نہ اتر سکی۔
بھارتی میڈیا رپورٹس کے مطابق سہیل خان نے چند ماہ قبل سے فلم ’شیر خان ‘ پر کام شروع کر دیا ہے اور سلمان خان نے بھی فلم ’بھارت‘ کے بعد اس فلم کو کرنے کی ہامی بھر لی تھی لیکن خان فیملی کے قریبی ذرائع نے انکشاف کیا ہے کہ سہیل خان نے اب سلمان خان کو فلم میں شامل نہ کرنے کا فیصلہ کیا ہے۔
سہیل خان نے فلم ’شیر خان‘ میں اپنے بھائی کی جگہ نئے چہرے کو شامل کرنے کے لیے باقاعدہ طور پر تلاش شروع کردی ہے جوکہ سلو میاں کے چاہنے والوں کے لیے کوئی اچھی خبر نہیں ہے۔
میرا کو اپنے ہی وکیل کا قانونی نوٹس، اداکارہ نے بھی انوکھا جواب دے دیا
می ٹو مہم کی بانی ترانا برک کا مذاق اڑانے پر مداح اداکار مانی پر برس پڑے
