بھارت نے آسٹریلیا کو ایڈیلیڈ ٹیسٹ میں 31 رنز سے شکست دے دی

Posted on December 11, 2018 By Majid Khan کھیل

India vs Australia

ایڈیلیڈ (جیوڈیسک) بھارت نے آسٹریلیا کو ایڈیلیڈ ٹیسٹ میں 31 رنز سے شکست دیتے ہوئے 4 میچز پر مشتمل سیریز میں 0-1 کی برتری حاصل کرلی۔

بھارت نے آسٹریلیا کو جیت کے لیے 323 رنز کا ہدف دیا جس کے جواب میں کینگروز ٹیم کھیل کے پانچویں اور آخری روز 291 رنز بنا کر پویلین لوٹ گئی۔

شان مارش 60، مچل اسٹارک، پیٹ کمنس 28،28، اور مارکس ہیرس 26 رنز بنا کر آؤٹ ہوئے جب کہ نیتھن لیون 38 رنز کے ساتھ ناٹ آؤٹ رہے۔

بھارت کی جانب سے محمد شامی، روی چندرن ایشون اور جیسپرت بھمبرا نے 3،3 جب کہ ایشانت شرما نے ایک وکٹ حاصل کی۔

یاد رہے کہ بھارت نے پہلی اننگز میں 250 اور دوسری میں 307 رنز بنائے جب کہ آسٹریلوی ٹیم اپنی پہلی اننگز میں 235 رنز بنا کر آؤٹ ہوگئی تھی۔

Nasir Mehmood - Chief Editor at GeoURDU.com