واشنگٹن (جیوڈیسک) ایران نے اطلاع دی ہے کہ متحدہ امریکہ کے ساتھ طے پانے والے کسی بھی معاہدے کی کوئی قدرو قیمت نہیں ہو گی۔
سرکاری سوشل میڈیا پر امریکہ کے آئی این ایف سمجھوتے سے دستبردار ہونے پر اپنے جائزہ پیش کرنے والے ایرانی وزیر خارجہ جواد ظریف نے واشنگٹن انتظامیہ پر نکتہ چینی کی۔
انہوں نے اس بات کی یاد دہانی کرائی کہ امریکہ مزید ایک معاہدے سے علیحدہ ہو گیا ہے اب کی بار اس نے روس کے ساتھ طے شدہ آئی این ایف معاہدے سے کنارہ کشی اختیار کی ہے۔
انہوں نے کہا کہ مسئلہ صرف جوہری معاہدہ اور ایران نہیں، ایسا لگتا ہے کہ موجودہ انتظامیہ کو امریکہ کے تمام تر سابقہ سمجھوتوں سے الرجی ہے۔ اس صورتحال میں امریکہ کے ساتھ طے پانے والا کوئی بھی معاہدہ ہمارے لئے وقعت نہیں رکھے گا۔ یہ چاہے کانگریس میں منظور شدہ سمجھوتہ ہی کیوں نہ ہو اس کی کوئی قدروقیمت نہیں ہوگی۔
خیال رہے کہ امریکی وزیر خارجہ مائیک پومپیو نے اعلان کیا تھا کہ ان کا ملک سوویت یونین کے ساتھ ان سو ستاسی میں طے شدہ پانچ سو سے پانچ ہزار 500 کلومیٹرتک مار کرنے والے جوہری میزائلوں کے معاہدے سے دستبردار ہونے کا فیصلہ کیا گیا ہے۔
امریکہ نے فلسطینیوں کو مالی امداد روک دی
باقی ادارے خود کو طاقتور بنا سکتے ہیں تو پارلیمنٹ کیوں نہیں۔ بلاول بھٹو
