نیب کا ملزموں کو ہتھکڑیاں لگانا اسلامی اور پاکستانی قانون کی خلاف ورزی ہے

Posted on April 5, 2019 By Majid Khan اسلام آباد, اہم ترین, مقامی خبریں

Qibla Ayaz

اسلام آباد (جیوڈیسک) چیئرمین اسلامی نظریاتی کونسل نے نیب کا ملزموں کو ہتھکڑیاں پہنانا اسلامی شریعت اور پاکستانی قانون کی خلاف ورزی قرار دے دیا۔

اسلامی نظریاتی کونسل کے اجلاس کے بعد گفتگو کرتے ہوئے قبلہ ایاز کا کہنا تھا کہ جرم ثابت ہونے سے قبل ملزم کی میڈیا کے سامنے ہتک اسلام اور تکریم انسانیت کے منافی ہے۔

انہوں نے کہا کہ نیب آرڈیننس جانچنے کے لیے جسٹس ریٹائرڈ رضا خان کی سربراہی میں کمیٹی قائم کر دی ہے۔

قبلہ ایاز کا کہنا تھا کہ کمیٹی جائزہ لے گی کہ کون کون سا نیب قانون شریعت کے خلاف ہے۔