اسلام آباد (جیوڈیسک) ہائیکورٹ نے مشیر خزانہ حفیظ شیخ کو بجٹ پیش کرنے سے روکنے کی درخواست ناقابلِ سماعت قرار دے کر مسترد کردی۔
اسلام آباد ہائیکورٹ کے چیف جسٹس اطہر من اللہ نے درخواست پر سماعت کی۔
درخواست گزار کی جانب سے مؤقف اپنایا گیا کہ قانون کے مطابق مشیر خزانہ اس وقت بجٹ پیش نہیں کرسکتے، اس پر چیف جسٹس نے درخواست گزار سے سوال کیا کہ رولز میں کہاں لکھا ہے کہ بجٹ کون پیش کرسکتا ہے؟ یہ عدالت آپ کو وقت دے رہی ہے،آپ کو تیاری کرکے آنا چاہیے۔
جسٹس اطہرمن اللہ نے ریمارکس دیے کہ ایسی درخواست اس عدالت میں نہ لایا کریں جس کے بعد عدالت نے حفیظ شیخ کو بجٹ پیش کرنے سے روکنے کی درخواست ناقابل سماعت قرار دے کر مسترد کردی۔
سرکاری بلٹ پروف گاڑیوں کا استعمال؛ نیب کی نواز شریف سے تفتیش
فیڈرل بورڈ آف ریونیو نے نیا ٹیکس نظام لانے کی تجویز دیدی
