شمالی وزیرستان (جیوڈیسک) گزشتہ روز شمالی وزیرستان میں بارودی سرنگ کے دھماکے میں شہید ہونے والے کیپٹن عارف اللہ اور لیفٹیننٹ کرنل راشد کریم بیگ کو ان کے آبائی علاقوں میں پورے فوجی اعزاز کے ساتھ سپرد خاک کر دیا گیا۔
گزشتہ روز شمالی وزیرستان کے علاقے خار قمر میں بارودی سرنگ کے دھماکے میں پاک فوج کے لیفٹیننٹ کرنل راشد کریم بیگ، میجر معیز مقصود بیگ، کیپٹن عارف اللہ اور لانس حوالدار ظہیر شہید ہوگئے تھے۔ لیفٹیننٹ کرنل راشد کریم بیگ کا تعلق کریم آباد ہنزہ، میجر معیز مقصود بیگ کا تعلق کراچی، کیپٹن عارف اللہ کا تعلق لکی مروت اور لانس حوالدار ظہیر شہید کا تعلق چکوال سے ہے۔
دہشت گردی کے واقعے میں شہید لیفٹیننٹ کرنل راشد کریم بیگ کے جسدِ خاکی کو بذریعہ ہیلی کاپٹر ہنزہ پہنچایا گیا، جہاں سے شہید کی میت کو ایمبولینس کے ذریعے آبائی گاؤں حیدرآباد روانہ کردیا گیا۔ اس سے قبل ان کی نماز جنازہ جوٹیال میں ادا کی گئی جس میں وزیراعلیٰ گلگت بلتستان سمیت فوجی افسران نے شرکت کی۔
شہید کیپٹن عارف اللہ کی نماز جنازہ لکی مروت میں ان کے آبائی گاؤں تاجہ زئی میں ادا کی گئی اور شہید کو پورے سرکاری اعزاز کے ساتھ مقامی قبرستان میں سپرد خاک کیا گیا۔
مقبوضہ کشمیر: قابض بھارتی فوج نے ایک کشمیری نوجوان کو شہید کر دیا
ورلڈ کپ 2019: انگلینڈ نے بنگلا دیش کو 106 رنز سے شکست دے دی
