اسلام آباد (جیوڈیسک) نیب نے سابق وزیراعلیٰ پنجاب اور قومی اسمبلی میں اپوزیشن لیڈر شہباز شریف کی طلبی کا نوٹس ان کی رہائش گاہ پر وصول کرا دیا۔
نیب کے مراسلے میں شہبازشریف کو 5 جولائی کو طلب کیا گیا ہے اور انہیں دوپہر 2 بجے پیش ہونے کی ہدایت کی گئی ہے۔
مراسلے کے مطابق شہباز شریف کو فیملی کے تمام اثاثہ جات پیش کرنے کی ہدایت کی گئی ہے جب کہ انہیں 2009 میں 11 کروڑ 22 لاکھ سے زائد کی رقوم کی فارن کرنسی میں وصولی کی تفصیلات فراہم کرنے کی ہدایت کی گئی۔
مراسلے میں اپوزیشن لیڈر کو بیرون ملک اثاثہ جات اور اکاؤنٹس کے علاوہ گاڑیوں کی تفصیلات بھی فراہم کرنے کا کہا گیا ہے۔
نیب نے حمزہ شہباز اور خاندان کے مزید 50 اکاؤنٹس کی تفصیلات حاصل کر لیں
حکومت گرانا چاہتے ہیں لیکن جمہوریت تباہ کرنا نہیں چاہتے: آصف زرداری
