اسلام آباد (جیوڈیسک) وزیر خارجہ شاہ محمود قریشی کا کہنا ہے کہ پاکستان مخالف پروپیگنڈے کے لیے اسٹیڈیم کا استعمال ہونا تشویشناک ہے۔
برطانوی ہائی کمشنر نے وزارتِ خارجہ میں شاہ محمود قریشی سے ملاقات کی جس میں دو طرفہ تعلقات، خطے کی صورتحال سمیت باہمی دلچسپی کے امور پر تبادلہ خیال کیا گیا اور دو طرفہ تعلقات کی موجودہ نوعیت پر اطمینان کا بھی اظہار کیا گیا۔
اس موقع پر وزیر خارجہ شاہ محمود قریشی نے برطانوی ہائی کمشنر کے ساتھ پاکستان مخالف بینرز لہرائے جانے اور ٹیم کے ساتھ ہتک آمیز رویے کا معاملہ اٹھاتے ہوئے کہا کہ پاکستان مخالف پروپیگنڈے کے لیے اسٹیڈیم کا استعمال ہونا تشویشناک ہے۔
وزیر خارجہ نے مزید کہا کہ شہزادہ ولیم اور کیٹ مڈلٹن کے متوقع دورہ پاکستان کی خبر خوش آئند ہے، حکومت پاکستان اور عوام کنسنگٹن پیلس کے اعلان کا خیر مقدم کرتے ہیں۔
واضح رہے کہ پاکستان سے سنسنی خیر مقابلے کے بعد شکست پر افغان شائقین آپے سے باہر ہوگئے اور بعض مشتعل شائقین نے پاکستانی کھلاڑیوں پر حملے کی کوشش بھی کی جب کہ گرین شرٹس کی سپورٹ پر اسٹیڈیم اور اطراف کی سڑکوں پر دھاوا بھی بولا جس سے کچھ پاکستانی سپورٹرز زخمی ہوئے۔
35 سال اقتدار میں رہنے والوں کا پہلے حساب ضروری ہے: چیئرمین نیب
وہ وقت دور نہیں جب عمران خان سے ایک ایک ظلم کا حساب لیا جائیگا: شہباز شریف
