اسلام آباد (جیوڈیسک) گزشتہ شب رواں برس کا دوسرا چاند گرہن پاکستان سمیت دنیا کے مختلف ممالک میں دیکھا گیا جو پانچ گھنٹے 34 منٹ تک جاری رہا۔
محکمہ موسمیات کے مطابق رواں برس دوسرے چاند گرہن کا آغاز 16 جولائی رات 11 بج کر 44 منٹ پر ہوا جو آج صبح 5 بجکر 18 منٹ تک جاری رہا۔
گزشتہ روز درمیانی شب کو شروع ہونے والا جزوی چاند گرہن شمالی امریکا اور شمالی روس کے سوا دنیا کے مختلف ممالک میں دیکھا گیا۔
یورپ میں جزوری چاند گرہن منگل کی شام کو دیکھا گیا جب سورج غروب ہوا جب کہ ایشیاء اور آسٹریلیا میں بدھ کی صبح سے کچھ دیر قبل جزوی چاند گرہن کو دیکھا گیا۔
بحرالکاہل، بحر ہند، بحرہ اوقیانوس اور بحر منجمد میں بھی چاند گرہن دیکھا گیا۔
واضح رہے کہ رواں سال کے پہلے مکمل چاند گرہن کا نظارہ 21 جنوری کو افریقا، یورپ، جنوبی اور شمالی امریکا میں کیا گیا تھا جسے ماہرین فلکیات نے ‘سپر بلڈ وولف مون’ کا نام دیا تھا۔
عالمی عدالت انصاف بھارتی جاسوس کلبھوشن کیس کا فیصلہ آج سنائے گی
جج ارشد ملک کی ویڈیو بنانے والا مرکزی ملزم میاں طارق گرفتار
