ملتان (اصل میڈیا ڈیسک) عدالت نے ماڈل قندیل بلوچ قتل کیس میں والدین کی بیٹوں کو معاف کرنے کی درخواست مسترد کر دی۔
عدالت میں قندیل کے والدین نے مقدمے میں نامزد اپنے دونوں بیٹوں کو معاف کرنے سے متعلق بیان حلفی جمع کروایا تھا۔
قندیل بلوچ کے والد نے گزشتہ روز ملتان کی ماڈل عدالت میں جمع کرائے گئے بیان حلفی میں کہا تھا کہ انہوں نے اپنی بیٹی کے قتل میں نامزد بیٹوں وسیم اور اسلم کو اللہ کے واسطے معاف کر دیا۔
عدالت نے درخواست مسترد کرتے ہوئے کہا کہ غیرت کے نام پر قتل کا فیصلہ تمام گواہوں کی شہادتیں قلم بند ہونے کے بعد کیا جائے گا۔
قندیل بلوچ کو ان کے بھائی محمد وسیم نے 15 جولائی 2016 کو ملتان میں قتل کر دیا تھا۔
قندیل بلوچ کے والد محمد عظیم بلوچ نے اس وقت اپنی بیٹی کے قتل کا مقدمہ اپنے بیٹے محمد وسیم اوراس کے ساتھیوں حق نواز، محمد ظفر اور ان کے ڈرائیور عبدالباسط کے خلاف درج کروایا تھا۔
شریف خاندان کیلئے چوہدری شوگر ملز کیس نئی مشکلات کا سبب
بھارت مقبوضہ کشمیر میں قتل عام کی جانب بڑھ رہا ہے، اسے روکنا ہو گا: شاہ محمود قریشی
