اسلام آباد (اصل میڈیا ڈیسک) الیکشن کمیشن نے مسلم لیگ (ن) کی نائب صدر مریم نواز کے پارٹی عہدہ رکھنے کے خلاف درخواست پر فیصلہ مؤخر کر دیا۔
الیکشن کمیشن نے مریم نواز کے پارٹی عہدہ رکھنے سے متعلق کیس میں وکلاء کو مزید معاونت کی ہدایت کی ہے۔
چیف الیکشن کمشنر کا کہنا ہے کہ سپریم کورٹ کے فیصلے اور آرٹیکل 62،63 کے اطلاق پر مزید معاونت درکار ہے۔
الیکشن کمیشن نے کیس کی مزید سماعت 3 ستمبر تک مؤخر کر دی۔
واضح رہے کہ مریم نواز کو پارٹی عہدے سے ہٹانے کے لیے تحریک انصاف کی رہنما ملیکہ بخاری نے درخواست دائر کی تھی جس میں مؤقف اپنایا گیا تھا کہ مریم کی بطور پارٹی نائب صدر تقرری آئین و قانون سے متصادم ہے، وہ کسی بھی سیاسی و عوامی عہدے کے لیے نااہل ہیں۔
صدر ایردوان کی امریکہ کو تاخری حربے استعمال نہ کرنے کی تلقین
مقبوضہ وادی میں 23 ویں روز کرفیو کے باوجود کشمیریوں کی مزاحمت
