آصف زرداری کو کمر کا شدید درد لاحق، اڈیالہ سے پمز اسپتال منتقل

Asif Zardari

اسلام آباد (اصل میڈیا ڈیسک) سابق صدر آصف زرداری کو اڈیالہ جیل سے پمز اسپتال منتقل کر دیا گیا۔

جعلی اکاؤنٹس کیس میں زیر حراست سابق صدر اور پیپلزپارٹی کے شریک چیئرمین آصف زرداری کو میڈیکل بورڈ کی سفارش پر پمز اسپتال منتقل کیا گیا ہے۔

ترجمان ڈاکٹر وسیم خواجہ کے مطابق آصف زرداری کا پمز اسپتال میں معائنہ کیا گیا جہاں تین رکنی بورڈ نے ان کا میڈیکل چیک اپ کیا۔

ذرائع کے مطابق آصف زرداری کو کمر کا شدید درد لاحق ہے جس کے باعث ان کی فزیو تھراپی کی جائے گی۔

واضح رہے کہ ميڈيکل بورڈ نے گزشتہ ہفتے آصف زرداری کو اسپتال منتقل کرنے کی سفارش کی تھی، ميڈيکل بورڈ کی سفارشات کو وزارت داخلہ کو بھجوايا گيا تھا۔

Nasir Mehmood - Chief Editor at GeoURDU.com