صنعاء (اصل میڈیا ڈیسک) بین الاقوامی امدادی ادارے ریڈ کراس کے مطابق یمن کے مقام ذمار میں کیے گئے حملے میں ایک سو سے زائد ہلاکتیں ہوئی ہیں۔ یہ حملہ سعودی عسکری اتحاد نے حوثی ملیشیا کے زیر قبضہ علاقے میں کیا تھا۔
صنعاء سے ایک سو کلومیٹر کی دوری پر واقع شہر ذمار کی ایک عمارت پر کیے گئے حملے میں درجنوں ہلاکتوں کی اطلاعات ہیں۔ سعودی عرب کی قیادت میں قائم عسکری اتحاد کے فضائی حملوں میں پہلے پچاس سے زائد ہلاکتوں کا بتایا گیا تھا لیکن ان کی تعداد بڑھتی جا رہی ہے۔ انٹرنیشنل کمیٹی برائے ریڈ کراس نے ہلاکتوں کی تعداد ایک سو سے زائد ہونے کا خدشہ ظاہر کیا ہے۔
بین الاقوامی ریڈ کراس نے اس خدشے کا اظہار خدشہ عمارت کے ملبے کو ہٹانے کے عمل کے دوران ملنے والی نعشوں کے تناظر میں کیا ہے۔ حوثی ملیشیا کے ٹیلی وژن المصیرہ کے مطابق ان حملوں میں ایک جیل کو نشانہ بنایا گیا جس سے کئی قیدیوں کی ہلاکت ہوئی۔ اتوار کی صبح المصیرہ ٹی وی نے رپورٹ کیا تھا کہ ملبہ ہٹانے کا سلسلہ جاری ہے اور اب تک چالیس سے زائد لاشیں نکالی جا چکی ہیں۔
سعودی عرب کی قیادت میں قائم عسکری اتحاد نے آج اتوار کو یمن میں حوثی باغیوں کے ایک ٹھکانے پر فضائی حملے کیے ہیں۔ سعودی ٹیلی وژن کے مطابق حملوں کا ہدف ذمار کے مقام پر قائم ڈرونز اور میزائل کا ایک بڑا گودام تھا۔ عینی شاہدین کے مطابق نصف ذمار میں درجن کے قریب حملے کیے گئے تھے۔
عینی شاہدین نے یہ بھی بتایا کہ سعودی عسکری اتحاد کی جانب سے جس عمارت پر حملہ کیا گیا، وہ تین منزلہ عمارت ہے اور حوثی ملیشیا اسے حراستی مرکز کے طور پر استعمال کرتی رہی ہے۔ جس وقت حملہ کیا گیا، اُس وقت بھی کئی قیدی اس عمارت میں موجود تھے۔
ایک طرف امن مذاکرات، دوسری طرف حملوں پہ حملے
بھارت کیلئے فضائی حدود مناسب اور اپنی پسند کے وقت پر بند کریں گے: وزیر خارجہ
