سعودی عرب (اصل میڈیا ڈیسک) خادم الحرمین الشریفین شاہ سلمان بن عبدالعزیز نے اپنے دیرینہ محافظ میجر جنرل عبد العزیز الفغم کے اہل خانہ سے ملاقات کی جنرل الفغم کی موت پران کے ساتھ ہمدردی اور غم گساری کا اظہار کیا۔
خادم الحرمین الشریفین نے مقتول میجر جنرل عبدالعزیز الفغم کے لواحقین کو صدمے کے موقع پر مکمل ہمدردی اور تعزیزت کا اظہار کیا۔ خادم الحرمین الشریفین کا کہنا تھا کہ جنرل الفغم کی موت شاہی خاندان کے لیے بھی دکھ اور صدمے کا باعث ہے۔
سعودی پریس ایجنسی ‘ایس پی اے’ کے مطابق شاہ سلمان نے میجر جنرل الفغم کی اپنے ملک کی خدمات میں لگن ، خلوص اور پیشہ ورانہ انداز میں ذمہ داریوں کی انجام دہی کو خراج عقیدت پیش کیا۔
اس موقع پر مقتول جنرل الفغم کے والد، بھائیوں اور ان کے بچوں کی شاہ سلمان سے ملاقات کرائی گئی۔ الفغم لواحقین نے تعزیت اور ہمدردی کے اظہار پر شاہ سلمان کا خصوصی شکریہ ادا کیا۔
وزیراعظم کا زلزلہ متاثرین کیلئے ہر ممکن اور فوری اقدامات کی ہدایت
آرامکو پر حملہ جنگی اقدام تھا، تاہم اس کا حل سیاسی طریقے سے نکالا جانا چاہیے: شہزادہ محمد
