اسلام آباد (اصل میڈیا ڈیسک) چودھری برادران مفاہمت کیلئے سرگرم ہو گئے، مولانا فضل الرحمان سے ملاقات میں آزادی مارچ اور ملکی صورتحال پر بات چیت کی گئی۔
چودھری شجاعت اور سپیکر پنجاب اسمبلی چودھری پرویز الہیٰ نے سربراہ جے یو آئی ف سے ان کی رہائشگاہ پر ملاقات کی، ملاقات میں دھرنے سے متعلق تبادلہ خیال کیا گیا۔ ملاقات کے بعد میڈیا سے گفتگو کرتے ہوئے چودھری پرویز الہی نے کہا کوئی ڈیڈ لاک نہیں، امید ہے مسئلے کا حل جلد نکلے گا، وزیراعظم کو صورتحال سے آگاہ کریں گے۔
اس موقع پر اکرم درانی نے کہا کہ وہ چودھری برادران کا احترام کرتے ہیں اور ان کی آمد کو خوش آئند سمجھتے ہیں، مذاکرات کا دروازہ کھلا ہے۔ انہوں نے کہا چودھری برادران کی کوششوں کو سراہتے ہیں، ایسی ملاقات سے ماحول کی بہتری میں مدد ملتی ہے۔
ماکروں یا تو معصوم یا چالباز شخص ہے جو امریکہ کے ساتھ ملا ہوا ہے: خامنہ آئی
شام میں کسی فریق نے جنگ بندی کی خلاف ورزی نہیں کی: ڈونلڈ ٹرمپ
