اسلام آباد (اصل میڈیا ڈیسک) صدر مسلم لیگ (ق) چوہدری شجاعت حسین نے کہا ہے کہ نواز شریف کے علاج کی خاطر باہر جانے کے معاملے کو سرکاری گورکھ دھندے میں نہ الجھایا جائے، نواز شریف کی درخواست پر انسانی ہمدردی کی بنیاد پر فیصلہ کیا جائے۔
چوہدری شجاعت حسین نے ایک بیان میں کہا کہ کسی کی بیماری پر سیاست نہیں کرنا چاہیے۔ وزیراعظم عمران خان اور وفاقی کابینہ کو چاہیے کہ نواز شریف کا نام ای سی ایل سے نکالنے کے لیے بڑے دل کا مظاہرہ کریں۔
چوہدری شجاعت نے کہا کہ اگر نوازشریف کو کُچھ ہوگیا تو ملکی سیاست مزید تلخ ہوجائے گی، اس لیے ایسا کوئی اقدام نہ کیا جائے جس کا بعد میں ازالہ نہ ہوسکے۔
انہوں نے کہا کہ اس معاملے کو سرکاری گورکھ دھندے میں الجھایا گیا تو ملک میں افرا تفری ہوگی اور ملکی معیشت کو بھی نقصان پہنچے گا جس سے عوام کیلئے بھی مشکلات میں اضافہ ہوگا۔
خیال رہے کہ سابق وزیراعظم نواز شریف کا نام ایگزٹ کنٹرول لسٹ (ای سی ایل) سے نکالا جائے یا نہیں؟ فیصلہ آج وزیراعظم عمران خان اور اُن کی کابینہ کرے گی۔
قومی احتساب بیورو (نیب) کا اس معاملے پر اپنی رائے دینے انکار، کہا کہ وفاقی حکومت کسی بھی شخص کا نام ای سی ایل سے نکالنے کی مجاز ہے۔
ایران سے معاہدہ ‘المیہ’ تھا، جو ایران کو اسلحہ خریدنے اور بیچنے کی اجازت دے گا: پومپیو
بھارتی پنجاب کے وزیراعلیٰ کا عمران خان سے پرانا تعلق نکل آیا
