راولپنڈی : الخدمت فاءونڈیشن کی جنرل کونسل کا دو روزہ اجلاس الخدمت کمپلیکس میں منعقد ہوا۔ اجلاس میں الخدمت فاءونڈیشن کے پروگرامات آفات سے بچاءو ،صحت، تعلیم، صاف پانی، کفالت یتامیٰ ، مواخات اور سماجی خدمات کے نیشنل ڈائریکٹرز نے ملٹی میڈیا پریزنٹیشن کے ذریعے گزشتہ سال کی کارکردگی رپورٹ پیش کی جس کا اجلاس میں جائزہ لیا گیا اس کے علاوہ آئندہ کی منصوبہ بندی بھی پیش کی گئی۔
اجلاس کی صدارت الخدمت فاءونڈیشن کے مرکزی صدر محمد عبد الشکورنے کی۔ ان کے علاوہ سینئر نائب صدر سید احسان اللہ وقاص، نائب صدر ڈاکٹر محمد مشتاق مانگٹ،سیکرٹری جنرل شاہد اقبال،سیکرٹری فنانس مرزا منور حسین، ایگزیکٹو ڈائریکٹر خبیب بلال،ریجنل صدور اور نیشنل ڈائریکٹرز سمیت بڑے شہروں کے صدور بھی شریک ہوئے ۔ اجلاس سے خطاب میں محمد عبدالشکور نے کہا کہ الخدمت فاوَنڈیشن کی دکھی انسانیت کے لئے بلاتفریق رنگ و نسل اورمذہب کاوشیں جاری ہیں ۔ الخدمت ملک بھر میں خدمت خلق کا ایک نمایاں نام بن چکی ہے اورمستحق اور نادار افراد کی عزت نفس کا خیال رکھتے ہوئے ان کے لئے خدمات سر انجام دے رہی ہے۔
رکن صوبائی اسمبلی ہاشم رضا کا عوامی شکایات پر فوری ایکشن کورنگی نمبر 4 میں سیوریج مسائل کا تدارک کرا دیا
کرونا وائرس پھیلنے کا خطرہ، پاکستانی زائرین کے ایران جانے پر پابندی عائد
