کراچی (اصل میڈیا ڈیسک) رضویہ سوسائٹی کے قریب گولیمار نمبر 2 میں گرنے والی رہائشی عمارت کے مالک کو گرفتار کر لیا گیا۔
گولیمار نمبر 2 میں 5 مارچ کو 40 گز کے پلاٹ پر بنی ایک عمارت 5 منزلہ تھی جس پر چھٹی منزل زیر تعمیر تھی لیکن اس دوران پوری عمارت برابر والی عمارتوں پر گر گئی، حادثے کے نتیجے میں 27 افراد جاں بحق اور 30 سے زائد زخمی ہوئے جن میں خواتین اور بچے بھی شامل ہیں۔
پولیس نے واقعے کا مقدمہ عمارت کے مالک کے خلاف درج کیا تھا تاہم اب بلڈنگ کے مالک کو بھی گرفتار کرلیا ہے۔
پولیس کے مطابق بلڈنگ کا مالک جاوید علی خان عرف جاوید چیف پولیس کے خوف سے مفرور تھا جسے اب گرفتار کرلیا ہے جب کہ ملزم کے سہولت کار بھی پکڑا گیا ہے۔
پولیس حکام کے مطابق دونوں ملزمان کو آج عدالت میں پیش کیا جائے گا۔
نزلہ اور بخار میں مبتلا افراد میچ دیکھنے اسٹیڈیم نہ جائیں، وزیراعلیٰ سندھ کی اپیل
قومی گرلز باسکٹ بال چمپئن شپ کے لئے کراچی ٹیم کے کیمپ کا اعلان
