ایران (اصل میڈیا ڈیسک) ایرانی وزارت صحت نے اعلان کیا ہے کہ کرونا وائرس کے پھیلنے سے ہونے والی اموات کی تعداد آج 1284 ہوگئی ہے۔اس سے متاثرہ افراد کی مجموعی تعداد 18 ہزار407 تک جا پہنچی ہے۔ ایران مشرق وسطیٰ میں کرونا سے سب سے زیادہ متاثر ہونے والا ملک بن چکا ہے۔
ایران کے نائب وزیر صحت علی رضا رئیسی نے کہا کہ پچھلے 24 گھنٹوں کے دوران 149 نئی اموات ہوئی ہیں۔ کرونا وائرس کی وجہ سے اموات کی تعداد 1284 تک پہنچ گئی ہے۔ ان کا کہنا تھا کہ بدقسمتی سے کل سے ہمارے پاس 1046 نئے کیس سامنے آئے ہیں۔
صوبہ تہران میں سب سے زیادہ 137 کرونا مریض سامنے آئے ۔اس کے بعد اصفہان میں 108 اور صوبہ گیلان میں 73 افراد میں کرونا کی تشخیص کی گئی۔
رئیسی نے کہا کہ تہران اور اصفہان سمیت 11 گورنریوں میں کرونا سے ہلاکتوں کی تعداد میں کمی واقع ہوئی ہے۔ عوام نے حکومت کی ہدایت کی تعمیل شروع کی ہے اور وہ گھروں میں بند ہوگئے ہیں۔
ایرانی وزارت صحت کے ترجمان کیانوش جہان پور نے بتایا کہ کرونا کی وبا کے بڑے پیمانے پر پھیلنے کا خطرہ موجود ہے۔ ان کا کہنا تھا کہ ہر گھنٹے میں اوسطا 50 نئے کرونا مریض سامنے آ رہے ہیں جب کہ ہر دس منٹ میں ایک مریض فوت ہو رہا ہے۔
جہان پور نے ‘ٹویٹر’ پرایک ٹویٹ میں لکھا کہ اعداد و شمار کے مطابق ایران میں تقریبا ہر گھنٹے میں 50 افراد ” کوویڈ 19 “سے متاثر ہوتے ہیں۔ اور ہر دس منٹ میں ایک شخص کرونا انفیکشن کی وجہ سے مر جاتا ہے۔
‘بریگزٹ’ کے سینیر یورپی مذاکرات کار کرونا وائرس کا شکار
اگر شروع سے ہی میری اپیل پر کان دھر لیے جاتے تو آج یہ نوبت نہ آتی، امریکی صدر
