سابق وزیراعظم شاہد خاقان عباسی کے وارنٹ گرفتاری جاری

Shahid Khaqan Abbasi

کراچی (اصل میڈیا ڈیسک) کراچی کی احتساب عدالت نے سابق وزیراعظم شاہد خاقان عباسی کے وارنٹ گرفتاری جاری کر دیئے۔

سابق وزیر اعظم شاہد خاقان عباسی سمیت دیگر کے خلاف غیر قانونی بھرتیوں سے متعلق نیب کی جانب سے دائر ریفرنس پر سماعت کراچی کی احتساب عدالت میں ہوئی۔

نیب حکام نے عدالت میں مؤقف اختیار کیا کہ دوران تحقیقات معلوم ہوا کہ پی ایس او کے ایم ڈی اور ڈی ایم ڈی کی تقرری غیر قانونی ہے۔

احتساب عدالت نے سابق وِزیر اعظم شاہد خان عباسی سمیت شریک ملزم سابق سیکرٹری ارشد مرزا کے بھی وارنٹ گرفتاری جاری کر دیئے۔

احتساب عدالت نے متعلقہ کیس میں سابق ایم ڈی پی ایس او اور ڈی ایم ڈی کو بھی نوٹسز جاری کر دیئے۔

عدالت نے شاہد خاقان عباسی سمیت دیگر ملزمان کو 10 اپریل کو عدالت میں پیش ہونے کا حکم دیا ہے۔

Nasir Mehmood - Chief Editor at GeoURDU.com