تہران (اصل میڈیا ڈیسک) ایرانی صدر حسن روحانی نے کہا کہ آئندہ 18 اپریل ہفتے کے روز سے تہران میں صحت کے حوالے سے کم خطرناک سرگرمیاں شروع کرنے کی اجازت دی جائے گی۔ انہوں نے یہ بیان ایک ایسےوقت میں دیا ہے جب دوسری طرف تہران میں کرونا سے بچائو کے لیے کسی قسم کا کوئی موثر پلان تیار نہیں کیا گیا ہے۔ یہاں تک کہ تہران کے میئر کے معاون خصوصی نے انکشاف کیا ہے کہ کرونا کے بڑھتے خطرات کے پیش نظر دارالحکومت تہران کے’بہشت زھراء’ قبرستان مین مزید 10 ہزار نئی قبریں تیار کی گئیہ ہیں۔
ایران کی سرکاری نیوز ایجنسی’ارنا’ کے مطابق تہران میونسپل کونسل کے اجلاس میں میئر کے معاون مجتبیٰ یزدانی نے کہا کہ تہران میں بہشت زھرا قبرستان میں 12 میٹر لمبے متعدد فریج کنٹینر اور کئی ریفریجی ریٹر رکھے گئے ہیں جن میں کرونا سے مرنے والوں کی لاشیں تدفین سے قبل منتقل کی جائیں گی۔
حال ہی میں ایرانی صدر حسن روحانی نے انسداد کرونا مرکز کے اجلاس سے خطاب میں شہروں کے درمیان سفر کرنے پرپابندی عاید کردی تھی۔ اسی طرح حکومت نے 20 اپریل کو ملک ایک سے دوسرے صوبے میں سفر پربھی پابندی عاید کی گئی ہے۔
مجتبٰی یزدانی کاکہنا ہے کہ صرف تہران میں 10 ہزار اضافی قبریں کھودی گئی ہیں۔ فی الحال تہران میں ہونے والی ہلاکتوں کی اصل تعداد کا علم نہیں ہوسکا ہے۔ ایرانی حکومت کی طرف سے ملک کے 31 صوبوں میں ہونے والی ہلاکتوں کی اصل تعداد بھی ظاہر نہیں کی ہے۔
کل اتوار کو ایرانی وزارت صحت کے ترجمان کیانوش جہان پور نے بتایا کہ ایران میں جنوری کے بعد سے اب تک ایران میں کرونا سے ہلاکتوں کی تعداد 4474 ہوگئی ہے۔
کرونا خطرات: جدہ میں ایک ہزار مزدور عارضی طور پر اسکولوں میں منتقل
ترکی میں کورونا وائرس کے نتیجے میں آج 97 افراد کی ہلاکت کے نتیجے میں مجموعی تعداد 1198 تک جا پہنچی
