پیرس (اصل میڈیا ڈیسک) فرانس کی ایک عدالت نے 39 سالہ ترک شہری کو اپنی بیوی کو سر عام چاقو کے وار کر کے ہلاک کرنے کا جرم ثابت ہونے پرپچیس سال قید کی سزا سنائی ہے۔ ملزن نے سنہ 2017ء کو اپنی بیوی کو فرانس میں اس وقت چاقو کے حملے میں ہلاک کردیا تھا جب اس اس نے شوہر سے طلاق کا مطالبہ کیا تھا۔
وسطی فرانس کے لوار شہر میں فوجداری عدالت کے سامنے تین روزہ مقدمے کی سماعت کے بعد جیوری نے سرکاری وکیل مارکو اسکاٹچیمارا کی درخواستوں پر عمل کرتے ہوئے ملزم کوپچیس سال قید کی سزا کا حکم دیا اس کے ساتھ ساتھ چھ سے تیرہ سال کی عمر کے چار بچوں کی کفالت کی ذمہ داری بھی عاید کی گئی ہے۔
ملزم کی شناخت ایوب قنطار کے نام سے کی گئی ہے۔ اس نے اپنی بیوی 34 سالہ ہولیا کو قتل کرنے کے علاوہ اہلیہ کے دوست کو بھی جان سے مارنے کی کوشش کی تھی۔ قنطار نے 12 اور 13 اگست 2017ء کی رات زبردستی گھر میں داخل ہونے کے بعد بیوی کےآشنا پر 15 بارچاقو سے وارکیا۔
اسے شدید زخمی کرنے کے بعد وہ اپنی بیوی کا تعاقب کرنے نکلا جو گھر سے فرار ہوگئی۔
گلی کے وسط میں عینی شاہدین کے سامنے اس نے اسے اپنے بالوں سے پکڑ لیا اور 27 بار اس پر چاقوکے وار کیے جو جان لیوا ثابت ہوئے۔
مصر کی سلامتی ہماری سلامتی کا حصہ ہے: سعودی عرب
جان بولٹن کو قانون شکنی کی بھاری قیمت چکانا ہو گی: ڈونلڈ ٹرمپ
