بلوچستان (اصل میڈیا ڈیسک) حکومت بلوچستان نے صوبے بھر میں 15 اگست سے سرکاری اسپتالوں میں (آؤٹ پیشنٹ ڈپارٹمنٹ) او پی ڈی کھولنے کا فیصلہ کیا ہے۔
سیکرٹری صحت بلوچستان دوستین جمالدینی نے جیو نیوز کو بتایا کہ صوبے کے تمام سرکاری اسپتالوں میں بند او پی ڈیز کو 15اگست سے کھولنے کا فیصلہ کیا گیا ہے۔
انہوں نے بتایا کہ اس حوالے سے تمام سرکاری اسپتالوں کے میڈیکل سپرنٹنڈنٹس (ایم ایس) کو مراسلہ بھی ارسال کر دیاگیا ہے جس میں کہا گیا ہے کہ اسپتالوں میں کورونا وائرس سے بچاؤ کے لیے بہترین انتظامات کیے جائیں اور انفیکشین کنڑول کے ضابطہ کار پر سختی سے عملدآمد کو یقینی بنایا جائے۔
ان کا کہنا تھا کہ اسپتالوں میں کورونا وائرس کے علاوہ باقی تمام امراض کے مریضوں کو داخل کیا جائے گا۔
خیال رہے کہ صوبے میں کورونا وائرس کے پھیلاؤ کے پیش نظر 19 جون کو سرکاری اسپتالوں کی او پی ڈیز کو بند کیا گیا تھا۔
نیب دفتر کے باہر پتھراؤ، شیلنگ اور بد نظمی، مریم نواز بیان ریکارڈ نہ کراسکیں
نیب آفس کے باہر ہنگامہ، مریم اور ان کے شوہر سمیت 188 لیگی رہنماؤں کیخلاف مقدمہ درج
