اسلام آباد (اصل میڈیا ڈیسک) حکومت کی جانب سے تمغہ برائے حسن کارکردگی دیئے جانے کے اعلان پر گلوکار و اداکار علی ظفر خوشی سے سرشار ہیں۔
صدر مملکت عارف علوی نے یوم آزادی کے موقع پر 184 شخصیت کے لیے پاکستان سول ایوارڈز کا اعلان کیا ہے۔ سول ایوارڈز اپنے شعبوں میں بہترین خدمات انجام دینے والی ملکی وغیر ملکی شخصیات کو دیے جائیں گے۔
یہ پڑھیں : طارق جمیل، جیک ما، ریشم سمیت 184 شخصیات کیلئے پاکستان سول ایوارڈزکا اعلان
حکومت کی جانب سے صدارتی تمغہ حسن کارکردگی مذہبی اسکالر مولانا طارق جمیل، اداکارہ ریشم، ہمایوں سعید، سکینہ سموں، گلوکار محمد علی شہکی، ہمایوں سعید، علی ظفر اور مہ جبیں قزلباش سمیت 44 شخصیات عطا کیا جائے گا۔
صدارتی تمغہ حسن کارکردگی ملنے پر گلوکار علی ظفر خوشی پر قابو نہ رکھ سکے۔ انہوں نے ٹویٹر پر خوشی کا اظہار کرتے ہوئے کہا کہ حکومتِ پاکستان کی جانب سے تمغہ حسنِ کارکردگی ملنے کو دل کی گہرائیوں سے عزت افزائی سمجھتا ہوں، میں شکر اور عاجزی کے ساتھ اللہ کے سامنے سربسجود ہوں اور اپنے مداحوں اور ساتھیوں کا مقروض بھی ہوں۔
ملک میں آج جشن آزادی قومی و ملی جوش و جذبے کے ساتھ منایا جا رہا ہے
تحفظِ بنیاد اسلام بل کی ضرورت کیوں پیش آئی؟
