لاہور (اصل میڈیا ڈیسک) پنجاب حکومت نے اپنی دو سالہ کارکردگی عوام کے سامنے پیش کرنے کا اعلان کیا ہے۔
ترجمان پنجاب حکومت کے مطابق 2 ستمبر کو ایوان وزیراعلیٰ میں صوبائی وزیر خزانہ ہاشم جواں بخت محکموں کی کارکردگی کا جائزہ پیش کریں گے جب کہ وزیراعلیٰ عثمان بزدار پنجاب حکومت کی 2 سالہ کارکردگی کے حوالے سے خطاب کریں گے۔
ایک بیان میں وزیراعلیٰ نے کہا کہ 2 سال میں صوبے کی بہتری کے لیے ہر ممکن اقدامات کیے، پنجاب کو بہتر سے بہترین بنانے کے سفر کا آغاز کر دیا ہے۔
عثمان بزدار کا کہنا تھا کہ مختصر ترین مدت میں ریکارڈ پالیسیاں اور قوانین منظور کرائے، ہماری پالیسی میرٹ اور شفافیت ہے، کسی کو انحراف کی اجازت نہیں دیں گے۔
انہوں نے مزید کہا کہ عوام کے مسائل حل کرنے کے لیے دن رات کام کر رہے ہیں، ہر محکمے کی اوور ہالنگ کی جا رہی ہے۔
لاک ڈاؤن کے نام پر سنکیانگ ’ڈیجیٹل پولیس اسٹیٹ‘ بن گیا
خودکشی کرنے والی ڈاکٹر ماہا کے والد نے خاموشی توڑ دی
