سری نگر (اصل میڈیا ڈیسک) مقبوضہ کشمیر میں بھارتی فوج کی جارحیت میں مزید دو کشمیری نوجوان شہید ہو گئے جس کے بعد دو روز میں شہید ہونے والوں کی تعداد 4 ہوگئی ہے۔
کشمیر میڈیا سروس کے مطابق سری نگر کے علاقے رام باغ میں داخلی و خارجی راستوں کو بند کرکے قابض بھارتی فوج نے گھر گھر تلاشی لی جس کے دوران خواتین کو ہراساں اور بزرگوں بچوں کو ڈرایا دھمکایا گیا۔
سرچ آپریشن کے دوران قابض بھارتی فوج نے اندھا دھند فائرنگ کرکے دو نوجوانوں کو شہید کردیا اس طرح دو روز میں بھارتی فوج کی جارحیت میں شہید ہونے والے نوجوانوں کی تعداد 4 ہوگئی ہے۔
یہ خبر پڑھیں : ضلع کلگام میں بھی بھارتی فورسزکے ہاتھوں مزید 2 کشمیری نوجوان شہید
دوسری جانب ضلع کپواڑا کے علاقے ولاگام کے فوجی اڈے میں بھارتی فوجی کے اہلکار سشسترا سیما بال نے سرکاری رائفل سے خود کو گولی مار کر اپنی زندگی کا خاتمہ کرلیا۔
واضح رہے کہ مقبوضہ کشمیر میں پست ہمتی اور ذہنی دباؤ کے باعث 2007 سے تاحال خودکشی اور آپسی جھگڑوں میں ہلاک ہونے والوں کی تعداد 477 ہوگئی ہے۔
موٹروے ریپ کیس کا مرکزی ملزم عابد فیصل آباد سے گرفتار
ایران کی خطے میں ملیشیاوں کی مدد اقوام متحدہ کی قراردادوں کی توہین ہے: سعودی سفیر
