سعودی عرب (اصل میڈیا ڈیسک) سعودی عرب میں حالیہ ہفتوں کے دوران میں کرونا وائرس سے ہونے والی اموات میں کمی واقع ہوئی ہے اور کووِڈ-19 کے یومیہ تشویش ناک کیس بھی کم ہوتے جا رہے ہیں۔
سعودی وزارت صحت کے ترجمان ڈاکٹر محمد العبدالعالی نے کہا ہے کہ مملکت بھر میں عوام کی جانب سے کووِڈ-19 سے بچاؤ کے لیے پیشگی حفاظتی احتیاطی تدابیر کی پاسداری کی وجہ سے یومیہ کیسوں کی شرح میں کمی ہوئی ہے۔
ترجمان نے شہریوں اور مکینوں پر زوردیا ہے کہ وہ کرونا وائرس کو پھیلنے سے روکنے کے لیے حفاظتی احتیاطی تدابیر کی پاسداری نہ کرنے والے تجارتی مراکز کی نشان دہی کریں تاکہ ان کے خلاف تادیبی کارروائی کی جاسکے۔
سعودی وزارت صحت نے 14 اکتوبر کے بعد سے کووِڈ-19کے 500 سے کم یومیہ کیسوں کی اطلاع دی ہے اور گذشتہ چند ہفتوں سے اس مہلک وائرس کے مریضوں کی یومیہ 30 سے کم اموات ہورہی ہیں۔
سعودی عرب نے اب تک کرونا وائرس کے 347656 کیسوں کی تصدیق کی ہے۔ان میں سے 5420 مریض وفات پاچکے ہیں۔وزارت صحت کے مطابق اس وقت مملکت میں کووِڈ-19 کے 8000 فعال کیس ہیں۔ان میں صرف 771 کی حالت تشویش ناک ہے اور وہ مختلف اسپتالوں میں زیر علاج ہیں۔
جھوٹ کا ورلڈ کپ ہوتا تو عمران خان جیت لیتے، امیر جماعت اسلامی
یمنی فوج کا تعز کے شمال میں حوثی ملیشیا کے ٹھکانوں پر حملہ، متعدد ہلاک
