لاہور (اصل میڈیا ڈیسک) مسلم لیگ (ن) کے رہنما عطا تارڑ نے کہا ہے کہ بیگم شمیم اختر کی میت کو پاکستان لانے میں 2 سے 3 روز لگ سکتے ہیں۔
عطا تارڑ نے کوٹ لکھپت جیل میں قائد حزب اختلاف شہباز شریف اور حمزہ شہباز سے ملاقات کی جس کے بعد میڈیا سے گفتگو میں کہا کہ اجازت کے بعد شہباز شریف کی میاں نواز شریف سے فون پر بات کرائی گئی۔
انہوں نے کہا کہ میاں نواز شریف سے فون پر بات کرتے ہوئے شہباز شریف آبدیدہ ہو گئے تھے۔
عطا تارڑ کا کہنا تھا کہ بیگم شمیم اختر کی میت کو پاکستان لانے میں 2 سے 3 روز لگ سکتے ہیں، میت کی روانگی کی کنفرمیشن ملنے پر حکومت پنجاب کو پرول پر رہائی کی درخواست دیں گے۔
خیال رہے کہ پاکستان مسلم لیگ (ن) کے قائد و سابق وزیراعظم نواز شریف اور شہباز شریف کی والدہ شمیم اختر گزشتہ روز لندن میں انتقال کر گئیں۔
سابق وزیر اعظم نواز شریف کی والدہ بیگم شمیم اختر کی نماز جنازہ شریف میڈیکل سٹی میں ادا کی جائے گی جب کہ مرحومہ کی تدفین جاتی امرا میں میاں شریف کی قبر کے قریب مختص جگہ پر کی جائے گی۔
کورونا کا خطرہ اور احکامات پس پشت، پی ڈی ایم کا پشاور جلسہ
پاکستان: کورونا کے مثبت کیسز کی شرح 7 فیصد سے تجاوز، مزید 34 اموات
