اسلام آباد (اصل میڈیا ڈیسک) ملک میں کورونا وائرس سے مزید 71 افراد انتقال کر گئے جب کہ مزید 2545 افراد میں وائرس کی تصدیق ہوئی ہے۔
نیشنل کمانڈ اینڈ آپریشن سینٹر (این سی او سی) کے مطابق ملک بھر میں 24 گھنٹوں میں 40 ہزار 90 ٹیسٹ کیے گئے جن میں سے 2545 افراد میں وائرس کی تصدیق ہوئی جب کہ 71 اموات بھی ہوئیں۔
این سی او سی کے مطابق پاکستان میں کورونا سے انتقال کرنے والوں کی مجموعی تعداد9 ہزار80 ہوگئی ہے جب کہ مجموعی کیسز 4 لاکھ 48522 تک جا پہنچے ہیں جن میں ایکٹو کیسز کی تعداد 42ہزار 851 ہے۔
این سی او سی کے مطابق 24 گھنٹوں میں کورونا کیسز مثبت آنے کی شرح6.3 رہی جب کہ 24 گھنٹوں میں کورونا کے 7993 مریض صحت یاب ہوئے جس کے بعد اب تک 3 لاکھ 96 ہزار 591مریض صحتیاب ہوچکے ہیں۔
کورونا سے سب سے زیادہ اموات پنجاب میں ہوئیں جن کی تعداد 39 ہے جب کہ دوسرے نمبر پر سندھ میں 15، کے پی 13، اسلام آباد 3 اور کشمیر میں ایک ہلاکت ہوئی۔
کراچی میں کڑاکے کی سردی، درجہ حرارت 7 سینٹی گریڈ تک گر گیا
منی لانڈرنگ؛ FIA کا شہباز اور حمزہ سے جیل میں تحقیقات کا فیصلہ
