لاہور (اصل میڈیا ڈیسک) وزیر اعلیٰ پنجاب عثمان بزدار نے کورونا سے صحتیاب ہونے کے بعد حکومتی امور کی انجام دہی کے لئے وزیراعلی آفس میں دوبارہ ذمہ داریاں سنبھال لی ہیں۔
وزیر اعلیٰ پنجاب کی معاون خصوصی فردوس عاشق اعوان نے اپنی ٹوئٹ میں کہا ہے کہ کورونا سے صحت یابی کے بعد وزیر اعلی پنجاب سردار عثمان بزدار نے آج سے حکومتی امور کی انجام دہی کے لئے وزیراعلی آفس میں ذمہ داریاں سنبھال لی ہیں۔
فردوس عاشق اعوان نے کہا کہ وزیراعلی پنجاب ترقی کا سفر جاری رکھتے ہوئے عوامی فلاح و بہبود کے منصوبوں اور دیگر اہم امور کا جائزہ لیں گے۔
عثمان بزدار گزشتہ ماہ کورونا کا شکار ہوئے تھے، علامات ظاہر ہونے پر انہوں نے خود کو قرنطینہ کرلیا تھا تاہم وہ ضروری امور گھر سے ہی نمٹاتے رہے تھے۔
کراچی میں سردی کی لہر مزید 5 تا 6 روز برقرار رہنے کا امکان
پنجاب میں شدید دھند، موٹر وے کئی مقامات پر بند
