اسلام آباد (اصل میڈیا ڈیسک) وزیراعظم عمران خان کا کہنا ہے کہ مہنگائی کم کرنے کی حکومتی کوششوں کے نتائج آنے لگے۔
ٹوئٹر پر جاری بیان میں وزیراعظم عمران خان نے کہا کہ معاشی محاذ پر ایک اور اچھی خبر، مہنگائی کم کرنے کی ہماری کوششوں کے نتائج آنے لگے۔
انہوں نے بتایا کہ کنزیومرپرائس انڈیکس اور مہنگائی ہمارے اقتدار میں آنے کے وقت سے کم ہو گئی۔
وزیرعظم نے اپنی ٹوئٹ میں معاشی ٹیم کو چوکس رہنے اور مہنگائی کنٹرول میں رکھنےکی بھی ہدایت کی۔
دوسری جانب وفاقی وزیر برائے منصوبہ بندی اسد عمر نے بھی ٹوئٹر پر جاری بیان میں کہا کہ مہنگائی میں مسلسل کمی آرہی ہے، جنوری میں مہنگائی کی شرح کم ہوکر 5.7 فیصد ہے۔
انہوں نے کہا کہ آج مہنگائی کی شرح پی ٹی آئی حکومت کے اقتدار میں آنےکے وقت سے کم ہے۔
’کورونا ویکسین کی 70 لاکھ خوراکیں مارچ تک پاکستان پہنچ جائیں گی‘
عمران خان نے پورے ملک میں ہر سطح پہ کرپشن کی منڈی لگائی ہوئی ہے، ترجمان (ن) لیگ
